© Sputnik / Владислав Воднев
Adal партиясы Amanat-қа қосылды. Басқарушы партияның кезектен тыс съезінде осындай шешім қабылданды, деп хабарлайды Sputnik Қазақстан.
Партияның кезектен тыс XXIII съезі онлайн режимде өтті. Оған барлық аймақтың делегаттары қатысты. Президент Қасым-Жомарт Тоқаев та Ақордадан онлайн байланыс арқылы қосылды.
Партия хатшысы Асхат Ораловтың айтуынша, Adal партиясының құрамында белсенді жастар көп.
"Сондықтан Adal партиясының қосылуы Amanat-тың жастар қанатының әлеуетін арттырады", - деді Оралов.
Партия төрағасы Қасым-Жомарт Тоқаев жыл басынан бері үшінші рет жиналып отырғанын жеткізді. Алдағы конституциялық реформа аясында саяси ұйымға үлкен үміт артылып отырғанын ерекше атап өтті.
"Жаңа Қазақстанды құрамыз десек, елге жанашыр қоғамдық-саяси күштердің бәрі жұмылуы керек. Бұл ретте партиялардың өзара тіл табысып, саяси жүйені дамытуы аса маңызды. Сондықтан Adal партиясының бастамасын қолдап, онымен біріккен жөн деп санаймын. Adal - өз жақтастары бар қалыптасқан партия. Саяси бәсеке артып келе жатқан қазіргі кезеңде мұның айрықша мәні зор", - деді Тоқаев.
Президент осы маңызды қадам Amanat партиясын жаңғыртып, күшейте түсуге септігін тигізеді деген ойын білдірді.
911 рет оқылды
