Абай облысында әскери қызметкердің мәйіті табылды, деп хабарлайды ҚазАқпарат.
Қорғаныс министрлігі баспасөз қызметінің мәліметіне сүйенсек, Абай облысында оқтан көз жұмған әскери қызметкердің денесі табылды. Алдын ала дерек бойынша, ол өзі-өзіне қол жұмсаған. Бұған не себеп болғаны әзірге белгісіз.
«Қазіргі уақытта оқиғаның себеп-салдары анықталып жатыр. Марқұмның артында әйелі мен 5 баласы қалған», - деп хабарлады ведомство өкілдері.
Әскери қызметкердің өліміне байланысты қылмыстық іс қозғалды. Қылмыстық іс жүргізу кодексінің 201-бабына сәйкес тергеудің өзге деректері жария етілмейді.
987 рет оқылды
