Osydan on jyl buryn alǵashqy qyzmetkerimdi Zen Media-dan tapqan kezde, olardy qalai qyzyqtyrýǵa bolatyny týraly oilanyp ta kórmedim.
Birinshiden, qashyqtan jumys isteýge múmkindik berý. Men virtýaldy ofistiń tiimdiligine senemin. Ásirese, sizdiń klientterińiz álemniń barlyq buryshynda ornalasqan bolsa. Bizdiń Gonkongtaǵy klientterimiz qandai ofiste otyrǵanymyzǵa emes, kórsetetin qyzmettiń sapasyna mán beredi.
Ekinshiden, qyzmetkerlerge sońǵy úlgidegi tsifrlyq marketingpen jumys isteýge usynys jasaý. Men magistrlik tezisimdi áleýmettik jeli taqyrybynda jazǵan edim, biraq eshkim sol kezde meni salmaqty qabyldamady. Kóp jaǵdaida Zen Marketing-te jumys istegen adamdardyń odan da qyzyqty ári tabysty jumysqa aýysqanyn óte sirek estimin.
Men qyzmetkerlerimniń jumys ornynda ózderin jaqsy sezingenin qalaimyn jáne olardyń barlyq bastamalaryna qoldaý kórsetkim keledi.
Biraq men kompaniiamnyń jumysyn bastaǵan kezde «qyzmetkerdi yntalandyrý» degen túsinikti bilgen joqpyn. Tipti, ol kezde buǵan uqsas termin de bolmaǵan sekildi. Al qazir jaǵdai múlde basqasha.
Qyzmetkerdiń óz isine degen qyzyǵýshylyǵy jumys berýshiler úshin óte mańyzdy jáne olar eń talantty qyzmetkerdi ózine tartqysy keledi. Bul rette jasandy intellekt naryqtaǵy osy máseleni sheshýge kómekke keledi.
Qyzmetker qyzyǵýshylyǵynyń mańyzy qandai?
Qyzmetkerdiń qyzyǵýshylyǵy nemese B2E marketining jumyskerdiń óz jumys berýshisine degen adaldyǵyn arttyryp, uiymnyń jetistikke jetýine jaǵdai jasap, isine yqylastyn arttyrady.
Gallup study jasaǵan zertteýlerge sai, óz isine berilgen qyzmetkerlerdiń jumysy ónimdi bolady, ári jumystan shyǵý kórsetkishi de tómendeidi. Sáikesinshe, klientter de kompaniianyń jumysyn riza bolady. Qyzmetkerler kompaniianyń úlken paida tabýyna kúsh salyp, ózderin jumysta, otbasynda baqytty sezinetin bolady.
Oǵan qosa, qazirgi jas mamandar ózderi qyzyqqan jumyspen ainalysýdy jón kóredi. Biz mundai qorytyndyny jekelegen zertteýler nátijesine qarap aita alamyz.
Sol siiaqty, tutynýshylar da, qyzmetkerler de ortaq qundylyqtardy bólisetin kompaniialarda jumys istep, taýar tutynǵysy keledi. Kompaniialar osy nárseni baiqaǵandyqtan, qyzmetkerdiń yntaly bolýyna asa mán berip keledi.
Ár istiń óz qiyndyǵy bolady
Kóptegen kompaniia óz qyzmetkerlerin laiyqty baǵalaýǵa tyrysady. Alaida olardy yntalandyrý isi nege qiyn? Jumys kóleminiń artýy, basymdylyqtardyń ózgerýi jáne kompaniia masshtabynyń ósýi siiaqty sebepter qyzmetkerlerdi yntalandyrýǵa kedergi keltiredi. Túiitkildi máseleni jasandy intellekt men avtomatizatsiia arqyly sheshýge bolady.
JI qyzmetker qyzyǵýshylyǵyn arttyrýǵa qalai kómektese alady?
Qazir naryqta jumys berýshi men qyzmetkerdiń óz isine berilip, yqylaspen jumys isteýine kómektesetin quraldardy kóptep tabýǵa bolady. Solardyń biri – 15Five qosymshasy. Bul baǵdarlamanyń kómegimen qyzmetker aptasyna 15 minýt ártúrli suraqtarǵa jaýap beredi, sodan keiin menedjerler men sýpervaizerler ony bes minýt ishinde saraptamadan ótkize alady. Eger siz áriptesterińizge qandai suraqtar qoiýdy naqty bilmeseńiz, 15Five algoritmderi kómektese alady.
Osyndai aptalyq sholýlar sýpervaizerlerge ujymnyń hál-ahýalyn baqylap, qandai da bir problemalyq suraqtardy anyqtap, árbir qyzmetkermen jeke-jeke jumys isteýge kómektesedi.
Taǵy bir qyzyqty, ári jańa kompaniialardyń biri InvolveSoft dep atalady. Instagram-ǵa uqsas interfeis qoldanatyn baǵdarlama, qyzmetkerdiń belsendiligin anyqtap, olardy basqa da salalarǵa erikti túrde úles qosýyna múmkindik beredi.
Menedjerler, top jetekshileri ártúrli is-sharalardy, korporativtik oiyn túrindegi marafondar men toptyq jumysty damytatyn sharalardy osy baǵdarlama arqyly kópshilikpen bólisip, iske asyra alady.
InvolveSoft-tyń negizin qalaýshylardyń biri Saýmaia Bhatnagar jaqynda bergen suhbatynda: «InvolveSoft júiesi jumystaǵy aqaýlardy kórýge, jiberip alǵan múmkindikter men kedergilerdi anyqtaýǵa kómektesedi. Osy júieden jinalǵan málimetterdi qyzmetkerlerdiń qyzyǵýshylyǵyn arttyrýǵa qajetti strategiialyq sheshimder shyǵarýǵa jáne olardyń kompaniiaǵa degen adaldyq koeffitsientin anyqtaýǵa bolady. Bulardyń barlyǵy bizdiń áriptesterimizdiń tabysty eńbek etip, kompaniiada qalýyna jaǵdai jasaidy», - deidi.
Búgingi tańda qyzmetkerlerdiń yqylasyn arttyrý kompaniiadaǵy mańyzdy isterdiń biri sanalady. Sondyqtan, jasandy intellekt jumys berýshilerdiń osy isti júieli atqarýyna taptyrmas kómekshi bolary anyq.
Maqalanyń túpnusqasy: forbes.com
