Halyqty áleýmettik qoldaý sharalaryna bailanysty shyǵystardyń ósýi infliatsiiaǵa aitarlyqtai áser etpeidi, dep habarlaidy Sputnik Qazaqstan tilshisi.
Ulttyq bank tóraǵasy Erbolat Dosaev qarjy regýliatory infliatsiianyń targetteý saiasatyn jalǵastyratynyn atap ótti.
"Ulttyq banktiń negizgi maqsaty – infliatsiiany 4-6% aralyǵynda ustap turý. Ulttyq banktiń baǵalaýy boiynsha, áleýmettik qoldaýǵa qosymsha qarjynyń bólinýine bailanysty shyǵystardyń ósýi infliatsiialyq úderisterdiń jedeldeýine aitarlyqtai áser etpeidi. Bizdiń boljam boiynsha biyl infliatsiia maqsatty dálizde saqtalady", - dedi Dosaev senattyń jalpy otyrysynda.
Sondai-aq, onyń aitýynsha, bazalyq stavka qarjy-nesie saiasatynyń negizgi quraly bolyp qala bermek. 4 naýryzdaǵy jaǵdai boiynsha, bazalyq stavka 9,25% deńgeiinde qaldy.
Buǵan qosa, Dosaev valiýta naryǵyndaǵy ahýalǵa toqtaldy.
"Valiýta naryǵynda jaǵdai turaqty. 2 sáýirde teńgeniń aiyrbas baǵamy jyl basynan beri 1,2 protsentke nyǵaiyp, bir dollaryna 379,6 teńgeni qurady", - dedi ol
