Mundai jańashyldyq kirpish alýǵa qansha qarjy ketkenin, adamdardyń jalaqysyna qansha jumsalǵanyn anyqtaýǵa kómektesedi. Prezidenttiń keńesshisi Baǵdat Mýsin sybailas jemqorlyqqa qarsy arnaiy qural qurylsa, adamdardyń zańǵa sáikes jumys istep, moiynsynýdan basqa amaly qalmaitynyn aitty, dep habarlaidy QazAqparat.
«Men protsesterdi tsifrlandyrý týraly ǵana oilamaimyn. Mysaly, memlekettik satyp alý kezinde aqshany qolma-qol shyǵarý alý máselesi bar. Memlekettik satyp alýdy utyp alǵannan keiin ony aqshaǵa ainaldyrý kerek. Munyń bári aldyn alý maqsatynda tsifrlyq baqylaý ornatpaýdan bolyp otyr. Ony aqshaǵa ainaldyrǵannan keiin baryp anyq-qanyǵyn bilemiz. Meniń ideiam boiynsha teńgeniń tsifrlyq analogy bolýy kerek jáne ol boialǵan bolýy qajet», - deidi Mýsin Sybailas jemqorlyqqa qarsy agenttikte ótken brifingide.
Onyń aitýynsha, mysaly, kópir qurylysyna 3 mlrd teńge bólinse, ár teńge tsifrlandyrylǵandyqtan, ol monitor júiesinde kórinip turatyn bolady.
«Buǵan ýaqyt kerek. Bul - bitkoin analogy, biraq bitkoinniń ózi emes. Ekeýin shatastyrýǵa bolmaidy. Ony bitkoin siiaqty júzege asyrý qiyn emes. Bitkoinniń tehnologiiasy jaqsy, biz onyń paidalysyn ǵana alýymyz kerek», - deidi Prezident keńesshisi.
Onyń aitýynsha, sybailas jemqorlyqqa qarsy mundai qural qurylǵan jaǵdaida kóptegen jemqorlyq faktileriniń aldyn alýǵa bolady.
«Adamdar zań boiynsha jumys isteý kerek ekenin túsinýi kerek. Munyń bárin 2-3 jylda júzege asyrýǵa bolady. 1 jylda iske asyrýǵa bolatyn ońaiyraq tásil bar. Ekinshi deńgeili banktermen, Ulttyq bankpen sóilesý kerek. Bul birden bolady dep aitý qiyn, biraq tsifrlandyrý jumys tártibinde tur, sondyqtan ony nege qazirden bastap qolǵa almasqa?», - deidi Baǵdat Mýsin.
