Omby oblysynda «Fortochnik» degen laqap atpen tanylǵan kúdikti 12 jyldan keiin qolǵa tústi. Tergeýshilerdiń málimetinshe, ol birneshe jyl boiy áielderge shabýyl jasap, páterlerge tereze arqyly kirgen. Uzaq ýaqyt boiy boi tasalaǵan er adam Qazaqstanda júrgen degen boljam aitylyp otyr, dep habarlaidy ult.kz.
Kúdiktige qatysty alǵashqy qylmystyq is 2010 jyly zorlaý deregi boiynsha qozǵalǵan. Keiin onyń taǵy birneshe aýyr qylmysqa qatysy bolýy múmkin ekeni anyqtalǵan. Maniak qurbandarynyń úilerine kóbine tereze arqyly kirgendikten, oǵan «Fortochnik» degen laqap at berilgen.
Tergeý málimetinshe, 2012 jyly bolǵan sońǵy zorlaý oqiǵasynan keiin kúdiktiniń izi joǵalǵan. Quqyq qorǵaý organdary onyń Qazaqstanǵa ketip qalǵanyn boljaidy. Keiin ustalǵan azamattyń ózi Qazaqstanda urlyq jasaǵany úshin sottalyp, alty jyl túrmede otyrǵanyn aitqan.
Omby oblystyq politsiiasynyń habarlaýynsha, jazasyn ótep shyqqannan keiin er adam Reseige qaita oralǵan. Alaida týǵan jerine kelgen soń taǵy da urlyq jasap, qylmys ornynda ózine tiesili iz qaldyrǵan. Kriminalister sol aiǵaqtar arqyly DNQ saraptamasyn júrgizip, genotiptiń buryn izdeýde júrgen kúdiktimen sáikes keletinin anyqtaǵan.
Qazir kúdikti qamaýda otyr. Tergeýshiler onyń Omby oblysynda jasalǵan keminde segiz zorlaý deregine qatysy bolýy múmkin ekenin aityp otyr. Tergeý amaldary jalǵasyp jatyr.
