Prezidenttik kadrlyq rezerv baǵdarlamasy jastarǵa da, memleketke de qolaily. Mundai pikirdi Prezidenttik jastar kadrlyq rezerviniń múshesi Oljas Sákenov bildirdi, dep habarlaidy QazAqparat.
«Prezidenttik kadrlyq rezerv baǵdarlamasynyń máni erekshe. Bul bastama jastarǵa da, memleketke de qolaily. Óitkeni memlekettik qyzmetke kelgen jastar, jańa býyn júiege qandai da bir jańalyq engizetini belgili. Ásirese, jeke sektor turǵysynan alǵanda tyń serpin bermek. Máselen, kadrlyq rezervke engen jastardyń 30 paiyzǵa jýyǵy jeke sektorda, halyqaralyq kompaniialarda jumys istegen nemese áli kúnge deiin sonda jumys isteidi. Alda-jalda olar memlekettik qyzmetke kelip jatsa, tájiribesi men biliktiligin elimizdiń erteńi, halqymyzdyń bolashaǵy jolyna arnamaq. Al jastarǵa kelsek, baǵdarlamanyń olarǵa da paidaly ekeni anyq. Iaǵni, biz jeke ideialarymyzdy usynyp, tájiribemizben bólisýge zor múmkindik týdy. Sondai-aq bastamany «áleýmettik lift» retinde de qarastyrýǵa bolady. Joǵary laýazymǵa jetý úshin memlekettik qyzmette eńbek ótili qajet. Al kadrlyq rezerv arqyly birden basqarýshylyq laýazymǵa taǵaiyndalýǵa jaǵdai jasalǵan. Osy arqyly salaǵa qandai da bir ózgeris engizýge múmkindik týady. Bul rezervke engen jastardyń aldaǵy jumys mansabyna oń yqpal etetini anyq», - dedi ol.
Jas maman Prezidenttik kadrlyq rezervke synaq birneshe kezeńnen turǵanyn aitady.
«Onyń tórteýi onlain rejimde júrgizildi. Ekeýinde sarapshylarmen betpe-bet kezdesip, áńgimelestik. Bul – buryn-sońdy bolmaǵan tájiribe dep oilaimyn. Óitken Memlekettik basqarý akademiiasy, sondai-aq Talantis, SHL degen dúniejúzine málim kompaniialardyń jinaǵan ádistemesin paidalanyp, mundai shynaiy túrde baǵalaý óte tiimdi bolǵany anyq. Synaq kezinde men úshin SHL tarapynan ázirlengen suraqtar ońaiǵa soqqan joq. Óitkeni olarǵa muqiiat ázirlený qajet. Sonymen qatar bir minýt ishinde suraqqa jaýap berý de jeńil tapsyrma emes. Alaida osyndai qiyndyqqa qaramastan, bárin sátti tapsyryp shyqtym», -dedi Oljas Sákenov.
Oljas Sákenov ótken aptada rezervke engen jastar Memleket basshysy Qasym-Jomart Toqaevpen kezdeskenin, sol jiynnan kóp nárse túiip shyqqanyn basa aitty.
«Memleket basshysynyń sózinen túigenim, Prezidenttiń kadrlyq rezervi jobasy bir rettik qana joba emes. Jalpy, búkil saiasi júieni, memlekettik qyzmetti ózgertetin jobalardyń legi ǵana. Ondai ózgerister áli de bolady. Bul – ózgeristerdiń basy ǵana. Sondyqtan osyndai ózgeristerdiń bolǵanyna, reformalar jasaýdy qoldaimyn. Óitkeni rezervke engen jastardyń árqaisy óz salalarynda qandaida bir ideialar men ózgerister engizýge septigin tigizedi. Jalpy, zamandastaryma aitarym. jastarǵa qazirgi zamanda óte kóp múmkindik bar. Solardy jiberip almaý kerek. Kez kelgen jobaǵa qatysyp, óz kúshińizdi synaǵyńyz kelse, biliktiligińiz ben bilimińizdi baiqap kórýdi kózdeseńiz, jobalarǵa mindetti túrde qatysyńyz. Mundai qadam sizge jaqsy áser tigizetini anyq. Tipti irikteýden óte almasańyz da, kókjiegińiz keńeiedi»,- dedi jas rezervshi.
.jpeg)