Derekterdi taldaý mektebi uiymdastyrǵan CareerBoom mitapynda «Qazaqtelekom» sarapshylary bolashaq mamandarmen telekommýnikatsiia jáne tsifrlyq tehnologiialar salasynda mansap qurý tájiribesimen bólisti. Kompaniia jas mamandarǵa úlken derektermen jumys isteý – basqarý sheshimderi men jańa múmkindikterdiń negizine ainalatynyn kórsetti.
CareerBoom – bul Derekterdi taldaý mektebiniń biznes jáne tehnologiia seriktesterimen birlese óz stýdentterine arnap ótkizetin kezdesýler seriiasy. Alty jyl ishinde mektep búkil Qazaqstan boiynsha 20 myńnan astam stýdentti oqytyp, telekom jáne IT-kompaniialaryn qosa alǵanda, júzdegen korporativtik klienttermen yntymaqtasty.
Kezdesý barysynda stýdentter tájiribeden ótý, jalaqy jáne joǵary mansapqa jetý jóninde belsene suraqtar qoidy. Kompaniia úshinshi kýrs stýdentterin tájiribeden ótýge shaqyrdy, al jumysty ilip ákete alǵan praktikanttar kóp jaǵdaida qyzmetke tura alatynyn atap ótti.
«Búginde IT jáne saraptama – jai ǵana kod pen keste emes, derekterdiń qundylyǵyn kórsetip, durys sheshim qabyldaýǵa múmkindik beretin qural. Biz qyzyǵýshylyǵy zor, ózin-ózi damytýǵa qumar jastardy izdeimiz. Bizde qarapaiym stýdenttik jobadan bastap, birneshe jyldan keiin óz jobańdy basqarýǵa bolady», - dep atap ótti «Qazaqtelekom» AQ Tsifrlyq biznes divizionynyń EX-direktory Dina Shagina.
2018 jyldan bastap «Qazaqtelekom» Big Data baǵytyn júieli túrde damytyp keledi. Kompaniianyń árbir iri biznes-baǵytynda úlken derektermen bailanysty mindetterdi iske asyrýǵa jaýapty bólimsheler quryldy. Osy bólimshelerdiń tiimdi jumys isteýi úshin biryńǵai korporativtik derekter qoimasy (Big Data) qurylyp, eseptilikti basqarý bóliginde IT-júielerdiń qurylymy jasaldy. Mysaly, búginde Derekterdi taldaýdyń arqasynda kompaniia klientterdiń qajettilikterin jaqsy túsinedi, jeke sheshimderdi usynyp, óz jelileriniń jumysyn ońtailandyrady.
Osy jumystyń barlyǵyn «Derekter fabrikasy» departamenti júzege asyrady. Ol saraptama quraldaryn damytyp, protsesterdi standarttaý jáne kompaniiadaǵy Data-driven basqarý mádenietin qalyptastyrýǵa jaýap beredi.
«Qazaqtelekom» telekom-salasynyń bolashaǵy tehnikalyq bilimdi saraptamalyq oimen ushtastyra alatyn mamandardyń qolynda dep senedi. Sondyqtan kompaniia CareerBoom siiaqty bilim berý bastamalary men mitaptaryna belsene qatysady, mundai sharalardyń arqasynda daryndy stýdentterdi taýyp, olarǵa IT jáne derekterdi taldaý salasynda alǵash qadamdaryn jasaýǵa kómektesedi, odan ári biik mansap jolyna jetelei bermek.
