Qazaqstan 2020 jyly 17,1 mlrd dollar tikelei shetel investitsiiasyn tartty. Bul týraly QR Syrtqy ister ministriniń orynbasary Almas Aidarov málim etti, dep habarlaidy QazAqparat.
«2020 jyldyń qorytyndysynda jahandyq ekonomikadaǵy tikelei shetel investitsiiasynyń kólemi 42 paiyzǵa qysqardy. Ásirese, daǵdarys kóshpeli ekonomikasy bar elderdiń ekonomikasyna qatty teris áser etip, olarda shetel investorlarynyń kórsetkishi 77 paiyzǵa deiin quldyrap ketti. Buǵan qosa, bastama jasalǵan jańa jobalardyń jahandyq quldyraýy da oryn aldy. Olardyń sany 2 ese qysqardy. Degenmen, der ýaqytynda qabyldanǵan is-sharalardyń arasynda 2020 jyly Qazaqstan 17,1 mlrd dollar tikelei shetel investitsiiasyn tartyp, shetel kapitaly aǵynynyń 30 paiyzǵa deiin tómendeýin tejei aldy», - dedi ministr orynbasary ortalyq kommýnikatsiialar qyzmetindegi baspasóz máslihatynda.
Onyń dereginshe, sońǵy 10 jyl boiy Qazaqstan ekonomikasyna jyl saiyn quiylatyn tikelei shetel investitsiiasynyń kólemi shamamen 24 mlrd dollardy quraidy.
Alaida bul kórsetkish daǵdarys bolǵan 2015 jáne 2020 jyldary birshama tómen qalyptasty.
«Buǵan qosa, ótken jyly kúsh-jigerimiz erterekte, pandemiia kezeńine deiin bastalǵan jobalardy júzege asyrýǵa baǵyttaldy. Nátijesinde jyl ishinde jalpy somasy 1,6 mlrd dollardy quraityn sheteldikterdiń qatysýy bar 41 investitsiialyq joba júzege asyrylyp, 7 myńnan astam jumys orny quryldy», - dedi ol.
Almas Aidarovtyń atap ótýinshe, olardyń qatarynda Túrkistan oblysyndaǵy jańa áýejai qurylysy, Aqtaý qalasyndaǵy týristik-qonaq úi kesheni, Jambyl oblysdaǵy qýaty 100 MVt bolatyn kún elektr stansasy, Qaraǵandy oblysynda tehnikalyq gaz óndirisi, HYUNDAI markaly kólikter shyǵaratyn jańa zaýyt, sonymen qatar Aqtóbe oblysynda besinshi býyn jylyjaiy syndy jobalar bar.
