قازاقستان 2020 جىلى 17,1 ملرد دوللار تٸكەلەي شەتەل ينۆەستيتسيياسىن تارتتى. بۇل تۋرالى قر سىرتقى ٸستەر مينيسترٸنٸڭ ورىنباسارى الماس ايداروۆ مەلٸم ەتتٸ, دەپ حابارلايدى قازاقپارات.
«2020 جىلدىڭ قورىتىندىسىندا جاھاندىق ەكونوميكاداعى تٸكەلەي شەتەل ينۆەستيتسيياسىنىڭ كٶلەمٸ 42 پايىزعا قىسقاردى. ەسٸرەسە, داعدارىس كٶشپەلٸ ەكونوميكاسى بار ەلدەردٸڭ ەكونوميكاسىنا قاتتى تەرٸس ەسەر ەتٸپ, ولاردا شەتەل ينۆەستورلارىنىڭ كٶرسەتكٸشٸ 77 پايىزعا دەيٸن قۇلدىراپ كەتتٸ. بۇعان قوسا, باستاما جاسالعان جاڭا جوبالاردىڭ جاھاندىق قۇلدىراۋى دا ورىن الدى. ولاردىڭ سانى 2 ەسە قىسقاردى. دەگەنمەن, دەر ۋاقىتىندا قابىلدانعان ٸس-شارالاردىڭ اراسىندا 2020 جىلى قازاقستان 17,1 ملرد دوللار تٸكەلەي شەتەل ينۆەستيتسيياسىن تارتىپ, شەتەل كاپيتالى اعىنىنىڭ 30 پايىزعا دەيٸن تٶمەندەۋٸن تەجەي الدى», - دەدٸ مينيستر ورىنباسارى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ دەرەگٸنشە, سوڭعى 10 جىل بويى قازاقستان ەكونوميكاسىنا جىل سايىن قۇيىلاتىن تٸكەلەي شەتەل ينۆەستيتسيياسىنىڭ كٶلەمٸ شامامەن 24 ملرد دوللاردى قۇرايدى.
الايدا بۇل كٶرسەتكٸش داعدارىس بولعان 2015 جەنە 2020 جىلدارى بٸرشاما تٶمەن قالىپتاستى.
«بۇعان قوسا, ٶتكەن جىلى كٷش-جٸگەرٸمٸز ەرتەرەكتە, پاندەمييا كەزەڭٸنە دەيٸن باستالعان جوبالاردى جٷزەگە اسىرۋعا باعىتتالدى. نەتيجەسٸندە جىل ٸشٸندە جالپى سوماسى 1,6 ملرد دوللاردى قۇرايتىن شەتەلدٸكتەردٸڭ قاتىسۋى بار 41 ينۆەستيتسييالىق جوبا جٷزەگە اسىرىلىپ, 7 مىڭنان استام جۇمىس ورنى قۇرىلدى», - دەدٸ ول.
الماس ايداروۆتىڭ اتاپ ٶتۋٸنشە, ولاردىڭ قاتارىندا تٷركٸستان وبلىسىنداعى جاڭا ەۋەجاي قۇرىلىسى, اقتاۋ قالاسىنداعى تۋريستٸك-قوناق ٷي كەشەنٸ, جامبىل وبلىسداعى قۋاتى 100 مۆت بولاتىن كٷن ەلەكتر ستانساسى, قاراعاندى وبلىسىندا تەحنيكالىق گاز ٶندٸرٸسٸ, HYUNDAI ماركالى كٶلٸكتەر شىعاراتىن جاڭا زاۋىت, سونىمەن قاتار اقتٶبە وبلىسىندا بەسٸنشٸ بۋىن جىلىجايى سىندى جوبالار بار.
