قۇربان ايت جاقىنداعان سايىن قازاقستاندا قۇرباندىققا شالىناتىن مال باعاسى كٷرت قىمباتتادى. بيىل ەسٸرەسە ٸرٸ قارا مەن قوي قۇنى ايتارلىقتاي ٶسٸپ, كەي ٶڭٸرلەردە باعا بٸر جىلدا 40 پايىزدان اسىپ كەتكەن, دەپ حابارلايدى ult.kz.
Energyprom.kz سايتىنىڭ جازۋىنشاع 2026 جىلدىڭ ناۋرىز ايىنىڭ قورىتىندىسى بويىنشا ەلدەگٸ مال باسى بارلىق نەگٸزگٸ ساناتتاردا كٶبەيگەن. ٸرٸ قارا سانى 9,2 ميلليونعا جەتٸپ, ٶتكەن جىلمەن سالىستىرعاندا 2,9 پايىزعا ارتتى. قوي سانى 21,1 ميلليونعا, ەشكٸ 2 ميلليون باسقا جەتسە, ەڭ جوعارى ٶسٸم جىلقى شارۋاشىلىعىندا تٸركەلٸپ, كٶرسەتكٸش 7,1 پايىزعا ٶسكەن.
مالدىڭ باسىم بٶلٸگٸ ەلٸ دە جەكە شارۋاشىلىقتار مەن شارۋا قوجالىقتارىندا ۇستالادى. ٸرٸ قارانىڭ جارتىسىنا جۋىعى اۋىل تۇرعىندارىنىڭ اۋلاسىندا بولسا, قوي مەن ەشكٸ شارۋاشىلىعىندا دا جەكە سەكتور نەگٸزگٸ ٷلەستٸ يەلەنٸپ وتىر.
مال سانى بويىنشا كٶش باسىندا تٷركٸستان وبلىسى تۇر. ٶڭٸردە 1,2 ميلليون ٸرٸ قارا, 4,7 ميلليون قوي جەنە جارتى ميلليوننان استام جىلقى بار. ال تٷيە شارۋاشىلىعى بويىنشا ماڭعىستاۋ وبلىسى الدا كەلەدٸ — ەلدەگٸ تٷيەنٸڭ ٷشتەن بٸرٸنەن استامى وسى ايماقتا ٶسٸرٸلەدٸ.
قۇربان ايت الدىنداعى سۇرانىس مال باعاسىنا تٸكەلەي ەسەر ەتتٸ. ناۋرىز ايىندا بٸر سيىردىڭ ورتاشا باعاسى 489 مىڭ تەڭگەدەن اسسا, بۇقا 526 مىڭ تەڭگەگە, جىلقى 581 مىڭ تەڭگەگە دەيٸن جەتكەن. ەڭ قىمبات مال — تٷيە. ەركەك تٷيەنٸڭ ورتاشا باعاسى 804 مىڭ تەڭگەدەن اسقان.
قويدىڭ ورتاشا باعاسى 77 مىڭ تەڭگە بولسا, قوشقارلار 86 مىڭ تەڭگەدەن ساتىلعان. ال قۇرباندىق شالۋعا ارنالعان رەسمي قىزمەت باعاسى بۇدان دا جوعارى. مەسەلەن, ٸرٸ قارانى قۇرباندىققا شالۋ قۇنى 630 مىڭنان 945 مىڭ تەڭگەگە دەيٸن بارادى. قوي باعاسى 100–150 مىڭ تەڭگە ارالىعىندا, ەشكٸ 55–100 مىڭ تەڭگە شاماسىندا. تٷيە باعاسى بارلىق ٶڭٸردە بٸردەي — 1,1 ميلليون تەڭگە.
بيىل قازاقستاندا ونلاين قۇرباندىق شالۋ قىزمەتٸ دە ٸسكە قوسىلدى. قازاقستان مۇسىلماندارى دٸني باسقارماسى ۇسىنعان ارنايى پلاتفورما ارقىلى تۇرعىندار مال ساتىپ الىپ, قۇرباندىق شالۋدى قاشىقتان رەسٸمدەي الادى. بۇل دەستٷرلٸ مال بازارلارىنداعى ساۋداعا دا ەسەر ەتۋٸ مٷمكٸن.
ساراپشىلاردىڭ ايتۋىنشا, سوڭعى جىلدارى مال باعاسى بٸرقالىپتى ٶسٸپ كەلگەنٸمەن, بيىلعى قىمباتشىلىق ەرەكشە بايقالادى. مەسەلەن, ٸرٸ قارا قۇنى بۇرىن جىلىنا 4–6 پايىز ارالىعىندا ٶسسە, قازٸر ٶسٸم 15,6 پايىزعا جەتكەن.
ەڭ جوعارى باعا ٶسٸمٸ اباي وبلىسىندا تٸركەلدٸ. بۇل ٶڭٸردە ٸرٸ قارا بٸر جىلدا 42,1 پايىزعا قىمباتتاعان. قاراعاندى, تٷركٸستان جەنە قوستاناي وبلىستارىندا دا باعا ايتارلىقتاي كٶتەرٸلگەن. قوي مەن جىلقى باعاسى بويىنشا دا اباي وبلىسى كٶش باستاپ تۇر.
