Foto: Kazakh Tourism
Astanada meditsinalyq týrizm, densaýlyq saqtaý jáne turaqty damý máselelerine arnalǵan forým óz jumysyn bastady, dep habarlaidy Ult.kz.
Týrizm jáne sport ministri Erbol Myrzabosynov Qazaqstan meditsinalyq jáne saýyqtyrý týrizminiń óńirlik ortalyǵyna ainalýǵa bar jaǵdai jasalǵanyn atap ótti. Ol úshin sheteldik patsientterge qyzmet kórsetýdiń biryńǵai standarttaryn engizý, klinikalar men týroperatorlar arasyndaǵy bailanysty kúsheitý jáne elimizdi emdelý men ońaltýdaǵy senimdi baǵyt retinde tanytý kerek.
2023 jyly Astanada em alǵan sheteldik patsientter sany 2022 jylmen salystyrǵanda tórt ese, al 2024 jyly taǵy eki ese artty. Densaýlyq saqtaý ministri Aqmaral Álnazarova Qazaqstan álemdik kartada meditsinalyq týrizmniń jańa ortalyǵyna ainalýda ekendigine nazar aýdardy.
Kazakh Tourism Salidat Qaiyrbekova atyndaǵy ulttyq ǵylymi densaýlyq saqtaýdy damytý ortalyǵymen meditsinalyq týrizmniń brend-tujyrymdamasyn ázirleý, meditsinalyq mekemeler men týroperatorlardyń seriktestigin damytý jáne meditsinalyq kórmelerge birlese qatysý máselelerin talqylaýdy josparlap otyr.
«Keshendi jobalardy tiimdi júzege asyrý úshin júieli jumys júrgizý qajet. Sondyqtan biz jumys tobyn quryp, birlesken jol kartasy aiasynda jumys isteitin bolamyz», – dedi «Kazakh Tourism» UK» AQ Basqarma tóraǵasynyń m.a. Daniel Serjanuly.
Meditsinalyq týrizmdi damytý maqsatynda qos vedomstvo arasynda memorandýmǵa qol qoiyldy.
