Foto: Tipichnyi Pavlodar
Qaraǵandy oblysynda 19 kólik soqtyǵysyp qaldy. Iri jol-kólik oqiǵasy Ekateribýrg-Almaty avtojolynyń qaita jańartý ýchaskesinde bolǵan, dep habarlaidy Ult.kz.
2025 jylǵy 23 qańtar saǵat 10:30-da Ekateribýrg-Almaty avtojolynyń qaita jańartý ýchaskesinde (Qaraǵandy-Balqash, 1492-1855 shaqyrym) Balqashtan Qaraǵandy qalasyna kólik qozǵalysy ashyldy.
Aýa raiynyń jaqsarýyna jáne kólikterdiń jinalyp qalýyna bailanysty osyndai sheshim qabyldanyp, Qaraǵandy oblystyq Politsiia departamentiniń jáne QazAvtoJol qyzmetkerleriniń súiemeldeýimen qozǵalys uiymdastyryldy.
"Osy ýchaskeniń 1630 shaqyrymynda saǵat 12:30-da 19 jeńil kóliktiń qatysýymen jol-kólik oqiǵasy boldy. Oqiǵa ornynda TJM qyzmetkerleri jáne jedel járdem qyzmeti jumys istep jatyr. Atap ótý kerek, bul jol-kólik oqiǵasyna qatysýshylar kolonnalyq qozǵalysqa qatyspaǵan", - delingen habarlamada.
Oqiǵanyń aldyn ala sebepteriniń biri - jyldamdyq rejimin jáne qaýipsiz araqashyqty saqtamaý ekeni aitylýda.
Zardap shekkenderge TJM ókilderi men qyzmetkerleri kómek kórsetýde. Jaraqat alǵandar aýrýhanaǵa jetkizilgen. Aldyn ala málimetterge qaraǵanda 6 adam túrli jaraqattarmen aýrýhanaǵa jiberilgen.
«Jedel járdem qyzmeti 6 adamdy Aqsý-Aiýly aýylyndaǵy aýdandyq aýrýhanaǵa jetkizdi. Oqiǵa ornyna Tótenshe jaǵdailar ministrliginiń qutqarýshylary, psihologtary jáne dárigerler dereý jetti. Qazirgi ýaqytta jolda keptelis joq, qozǵalys arnaiy qarsy jolaq arqyly uiymdastyrylǵan», – dep habarlady TJM.
