Shymkentte sheteldik investorlardyń qatysýymen jumys isteitin “Sin Yuan Steel” zaýytynyń ainalasyndaǵy daýly jaǵdaiǵa bailanysty sotqa deiingi tergeý bastaldy. Bul týraly Bas prokýratýra málimdedi, dep habarlaidy ult.kz.
Buǵan deiin buqaralyq aqparat quraldarynda zaýyt aýmaǵynda júrgizilgen reid kezinde politsiia kóshi-qon zańnamasyn buzdy degen kúdikpen shetel azamattaryn jappai ustaǵany týraly aqparat taraǵan edi. Kásiporyn basshylyǵy bul áreketter óndiris jumysyna kedergi keltirip, investitsiialyq jobalarǵa qaýip tóndirgenin málimdegen.
Prokýratýranyń habarlaýynsha, investordyń aryz-shaǵymyn tekserý úshin Shymkent qalasynyń investitsiialyq prokýrorlary qylmystyq is aiasynda sotqa deiingi tergep-tekserýdi tirkegen. Alaida Qylmystyq-protsestik kodekstiń 201-babyna sáikes, tergeý barysyndaǵy ózge málimetter ázirge jariialanbaidy.
Zaýyt ókilderiniń aitýynsha, reid kezinde ustalǵandardyń arasynda óndiristi keńeitý máselesin talqylaýǵa kelgen sheteldik investorlar da bolǵan. Kompaniia mundai áreketter halyqaralyq seriktesterdiń senimine nuqsan keltirýi múmkin dep alańdaidy.
Oqiǵa qoǵamda qyzý talqylanyp jatyr. Sarapshylar investorlarmen jumys barysynda quqyq qorǵaý organdarynyń áreketi ashyq ári zań aiasynda bolýy tiis ekenin aitýda.
