EAEO aiasynda biznesmender tap bolǵan kedergilerdi joiý jumystary jalǵasyp jatyr. Bul týraly «Atameken» UKP-daǵy Qazaqstannyń biznes-qoǵamdastyǵymen dialog alańynda EEK básekelestik boiynsha Alqa Múshesi (ministri) Serik Jumanǵarin málim etti, dep habarlaidy QazAqparat tilshisi.
«Eýraziialyq ekonomikalyq odaq aiasynda oiyn erejeleri ózgerdi, iaǵni básekelestik kóbeidi. Jalpy, jańa erejelerdi bilý kerek. Qazirgi ýaqytta Qazaqstan óńirlerin aralap júrmin. Ótken kúnderi elimizdiń birqatar oblystarynda boldyq, aldaǵy kúnderi basqa da óńirlerge baramyz. Osy oraida biznesmender ózderiniń usynystaryn berip jatyr. Kóbisi syrtqy naryqqa shyǵýdyń oiyn erejelerin bilmeidi. Birinshiden, taýardyń sapasy bolýy shart. Ekinshiden, kóbine kórshiles Reseidiń biznesmenderi men Qazaqstan kásipkerleri bir salada jumys istep jatyr. Sáikesinshe, básekelestik deńgeii aitarlyqtai artty», - dedi S. Jumanǵarin.
Osy oraida ol elimizdiń biznesmenderi jańa tehnologiialardy tartýǵa, jumysshylardyń biliktiligin arttyrýǵa jáne ózge de mańyzdy qadamdarǵa nazar aýdarýy kerektigin atap ótti.
«Bizdiń basty maqsatymyz – bizneske kómektesý. Biraz kedergiler bar jáne olardyń jartysy zańdy bolsa, jartysy zańsyz. Zańsyz kedergilermen qalai kúresýge bolady? Bul turǵyda aryz jazý kerek. Osy oraida bul shaǵymdar qaralyp, komissiiaǵa shyǵarylady. Kedergi jasap otyrǵan memleketke qatysty sheshim qabyldanady. Bul sheshimdi olar úsh aidyń ishinde oryndaýy tiis. Al oryndamasa, keńestiń qaraýyna usynamyz. Bul turǵyda joǵary deńgeide talqylanady», - dedi Serik Jumanǵarin.
Onyń atap ótýinshe, búginde biraz kedergiler sheshimin tapty.
Sondai-aq, ol EEK aiasynda tekserilip jatqan ister týraly aityp berdi.
«Bizde «qolaily ereje» institýty engizilgen. Birinshi kezekte normalardy buzǵan tarapqa kedergilerdi joiýǵa múmkindik beremiz. Eger de sol tarap bizdiń ýájben kelisse, onda is qozǵalmaidy. Al eger qalyptasqan jaǵdaidy durystamasa, tekserý sharalary júrgiziledi», - dedi S. Jumanǵarin «Atameken» UKP-da tilshilerge bergen suhbatynda.
Osy oraida ol naqty mysalǵa toqtaldy.
«Qazirgi kezde biz bir is boiynsha tekserýdi aiaqtaýǵa jaqyndadyq. Qulaǵy nashar estitin balalarǵa qajetti kohlearlyq apparattarǵa qatysty bolyp otyr. Atap aitqanda, Eýraziialyq ekonomikalyq odaqtyń ishki naryǵyna apparattardy jetkizetin kompaniia naryqty ózara bóliske túsirgen. Iaǵni qazaqstandyqtyń apparatty Reseide baryp satyp alýǵa múmkindigi joq, ony qaitadan Qazaqstanǵa keri qaitarady. Nátijesinde, qurylǵynyń baǵa aiyrmashylyǵy 2,5 esege deiin jetedi. Elimizde osy kohlearlyq apparattar úshin biýdjet tóleidi. Búginde tergeý sharalaryn aiaqtap qaldyq. Meniń oiymsha, apparat boiynsha shekteýlerdi joiyp, baǵany teńestiremiz», - dedi Serik Jumanǵarin.
Onyń atap ótýinshe, el turǵyndary úshin atalǵan qurylǵylarǵa qoljetimdik arta túsedi.
«Ekinshiden, osy sharalardyń arqasynda biýdjetke de tiimdi bolady. Osy tektes tergeý amaldary bizde júrip jatyr», - dedi Serik Jumanǵarin.
