Foto: Úkimet
QR Parlamenti Senatynyń kezekti otyrysynda 2026–2028 jyldarǵa arnalǵan respýblikalyq biýdjet parametrleri qaraldy. Premer-ministrdiń orynbasary – ulttyq ekonomika ministri Serik Jumanǵarin aldaǵy úsh jylǵa arnalǵan jańartylǵan infliatsiia boljamyn usyndy, dep habarlaidy Ult.kz.
«Infliatsiia boljamy 2026 jyly 9-11%, 2027 jyly 5,5-7,5% jáne 2028 jyly 5-7% deńgeiinde aiqyndalǵan»,
— dep atap ótti Serik Jumanǵarin.
Sonymen qatar ol 2028 jyly Qazaqstanda eksport kólemi $83,7 mlrd-qa deiin ulǵaiatynyn atap ótti.
«Boljam boiynsha eksport 2026 jylǵy $77,1 mlrd-tan 2028 jyly $83,7 mlrd-qa deiin, import – $67,7-den $75,2 mlrd-qa deiin ósedi», — dep atap ótti Serik Jumanǵarin.
Úsh jylǵa josparlanǵan shyǵystar parametrleriniń boljamy mynadai:
«2026-2028 jyldary shyǵystardyń ósý qarqyny 108,7–109,3% deńgeiinde turaqtandyryldy. Biýdjettiń shyǵystary biýdjet qaǵidalarynda belgilengen limitterdi saqtai otyryp, 2026 jyly 27,7 trln teńge nemese jalpy ishki ónimge 15,1%, 2027 jyly – 28,8 trln teńge nemese jalpy ishki ónimge 14,0%, 2028 jyly – 29,8 trln teńge nemese jalpy ishki ónimge 13,0%-dy quraidy», — dep atap ótti Serik Jumanǵarin.
