#
#
Жексенбі 08/12/2019

Террорлық топтың жетекшісі әл-Бағдадидің денесі теңізге лақтырылды

  • 29.10.2019
  • 0
  • 328

әл-Бағдадидің өлтірілгені жайлы жаңалықты көріп отырған Ирак тұрғындары. 27 қазан 2019 жыл.

27 қазанда АҚШ ұлттық қауіпсіздік кеңесшісі Роберт О’Брайен "Ислам мемлекеті" террор тобы жетекшісінің денесі 2011 жылы өлтірілген Усама бен Ладен секілді теңізге лақтырылатынын мәлімдеген. Олар көмілген жерді әлдекімдер "қастерлі орынға" айналдырмас үшін осылай жасауды ұйғарған.

Дүйсенбіде АҚШ Президенті Дональд Трамп әл-Бағдадидің көзін жоюға арналған арнайы операция видеоларынан үзінді жариялауға уәде берді. Трамп Twitter'інде осы операцияға қатысқан иттің суретін көрсеткен.

Штаб басшылары біріккен комитетінің төрағасы Марк Милли брифингте операцияның видеолары мен фотосуреттерінен "құпия" белгісін алу процесі жүріп жатқанын айтқан.

Дүйсенбі, 28 қазанда әл-Бағдадидің көзін жоюға арналған операцияның бірнеше детальдері белгілі болған еді. "Сирия демократиялық күштерінен" ақпарат таратушы адамның айтуынша, әл-Бағдадидің киімі мен қаны арқылы оның жеке тұлғасы расталған, - деп хабарлайды CNN.

Миллидің сөзінше, арнаулы операция барысында АҚШ арнайы қызметі екі адамды қолға түсірген. ​

Әбу Бәкір әл-Бағдади 1971 жылы Ирактың Самарра қаласында дүниеге келген. Діни білім алған. 2004 жылы "АҚШ қарулы күштеріне қастандық жасамақ болды" деген күдікпен Америка әскері қамауға алған. Бостандыққа шыққан соң жиһадшылардың астыртын тобын құрып, басшысына айналған. 2014 жылы өзін бүкіл мұсылмандардың жетекшісі – халиф деп жариялады. Оның басшылығымен "Ислам мемлекеті" террор тобы Ирак пен Сирияның елеулі аумағын басып алып, терактілерімен, қатыгез әрекеттерімен аты шықты.

Азаттық

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар