23 мау, 2017 сағат 09:36

Қайрат Жамалиевтің үкімі жеңілдетілді

Қайрат Жамалиевтің өтінішін тексерген кассациялық инстанция зардап шеккен Әліби Жұмағұловтың пікірін ескере отырып, үкімді қайта қарады, деп хабарлайды "Ұлт ақпарат" Tengrinews.kz порталына сілтеме жасап.

Мұның алдында ҚР Бас прокуратурасы Жамалиевтің бокспалау әрекеті аса ірі көлемнен жеңілдеу қылмыс ретінде ірі көлемге ауыстырылғанын түсіндірген. 

"Қайрат Жамалиевке соңғы шешім бойынша 7 жыл тағайындалды, ол жазасын орташа тәртіптегі колонияда өтейді. Істің өзге тұстары бойынша сот актілері өзгеріссіз қалды. Процессуалдық заңнаманың талаптарына сай іс жабық сот отырысында қаралды", - дейді Жоғарғы сот өкілдері. 

Сонымен қатар, Жамалиевтің мерзіміне дейін босап шығу мүмкіндігі туралы БАҚ-та жарияланған ақпарат негіссіз және болжам ғана екені айтылған. 

Еске салайық, мұның алдында адвокат Джохар Өтебеков осы іс бойынша зардап шегуші Әліби Жұмағұлов бизнесменнің жазасын жеңілдетуді сұрағанын хабарлаған. 

Әліби Жұмағұлов Жоғары соттан Жамалиевтің жазасын жеңілдетуді сұрады. Міне осылай. (Оның берген сұхбатынан алынған сөз: - Қайрат Жамалиевті кешіруге дайынсыз ба? - Жоқ!). Ақыры бопсалау бойынша мерзім 10 жылдан 7 жылға қысқарды. Бұл соңғы шешім ("Время" газеті жазғандай 6 жыл емес). Жазасын өтейтін колония қатаң тәртіптен жалпыға ауыстырылды. Ал, бұл - Жамалиев басқа колонияға ауыстырылады деген сөз. Ал басқа колонияға ауыстыру немесе жазаны айыппұлға ауыстыру туралы өтінішті ол күз басында (2 жыл 4 айын өтеген соң) сұрай алады. 

Еске салайық, 46 жастағы астаналық бизнесмен Қайрат Жамалиев Әліби Жұмағұловты соққыға жыққаны үшін мүлкі тәркілене отырып, 13 жылға бас бостандығынан айырылған болатын. Жұмағұловқа зорлық көрсеткенін бизнесмен телефон камерасына түсіріп, кейін оның ата-анасына жолдаған. Бұл кадрлар Ғаламторда пайда болғаннан кейін іс бойынша қоғамда үлкен дау туды.