Фото: instagram.com/sadenov_online/
Жетісулық тәртіп сақшылары қызметтік міндеттерін атқару кезінде жол-көлік оқиғасынан қаза тапқан. Бұл туралы Ішкі істер министрі Ержан Сәденов мәлімдеді.
— Қызметтік міндеттерін атқару кезінде жол-көлік оқиғасынан қаза тапқан Жетісу облысы Полиция департаменті қызметкерлері — полиция майоры Арнұр Алханов пен полиция аға лейтенанты Шыңғыс Асылбековтың туыстары мен жақындарына көңіл айтамын. Олардың есімдері әріптестерінің жадында мәңгі сақталады, — деді Ержан Сәденов.
Оның сөзінше, Ішкі істер министрлігі марқұмдардың отбасыларына қажетті көмекті көрсетеді.
Бұған дейін Батыс Қазақстан облысы Бәйтерек ауданы Достық ауылында полиция қызметкері асылып қалғанын жазған болатынбыз.
1605 рет оқылды
