ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Алик Шпекбаев Ұлттық бюроның аумақтық басшыларын өзара алмастырды, деп xабарлайды ҚазАқпарат тілшісі.
Агенттіктің ресми өкілі Нұрлан Жаxиннің айтуынша, адам бір лауазымда ұзақ уақыт жұмыс атқарса, еңбек өнімділігі төмендейді, қызметкердің ой-өрісі бір учаскенің шеңберімен шектеліп қалады. Сондай-ақ, ондай қызметкер өз жұмысын жаңа әдістермен толықтыра алмайды. Ал, ең бастысы, ротацияның арқасында жершілдікке жол берілмейді. Осыған байланысты агенттік төрағасы 8 аумақтық департаменттің басшысын ротациялау туралы шешім қабылдады.
«Ротация лауазымдарында 2 жылдан 4 жылға дейінгі аралықта жұмыс атқарған Алматы қаласы, Атырау, Шығыс Қазақстан, Жамбыл, Қостанай, Қызылорда, Павлодар және Солтүстік Қазақстан облыстары бойынша департамент басшыларына қолданылды» , - деді Н.Жаxин Астанада өткен баспасөз мәслиxатында.
Атап айтқанда, Ұлттық бюроның Атырау облысы бойынша департаментінің басшысы болып Солтүстік Қазақстан облысы бойынша департаментінің бұрынғы басшысы Нығмеджан Сапаров тағайындалды;
- Ұлттық бюроның Жамбыл облысы бойынша департаментінің басшысы болып Қызылорда облысы бойынша департаментінің бұрынғы басшысы Әділхан Әшірбаев тағайындалды;
- Ұлттық бюроның Қарағанды облысы бойынша департаментінің басшысы болып Павлодар облысы бойынша департаменттің бұрынғы басшысы Денис Шакенов тағайындалды;
- Ұлттық бюроның Қостанай облысы бойынша департаментінің басшысы болып Шығыс Қазақстан облысы бойынша департаменттің бұрынғы басшысы Сергей Потанин тағайындалды;
- Ұлттық бюроның Маңғыстау облысы бойынша департаментінің басшысы болып Қостанай облысы бойынша департаменттің бұрынғы басшысы Елдос Сағиев тағайындалды;
- Ұлттық бюроның Павлодар облысы бойынша департаментінің басшысы болып Алматы қаласы бойынша департаменттің бұрынғы басшысы Ержан Ибраимов тағайындалды;
- Ұлттық бюроның Солтүстік Қазақстан облысы бойынша департаментінің басшысы болып Атырау облысы бойынша департаменттің бұрынғы басшысы Құрмаш Сейітбеков тағайындалды;
- Ұлттық бюроның Шымкент қаласы бойынша департаментінің басшысы болып Жамбыл облысы бойынша департаменттің бұрынғы басшысы Мұрат Қарымсақов тағайындалды.
Сондай-ақ Ұлттық бюроның Түркістан облысы бойынша департаментінің басшысы болып Оңтүстік Қазақстан облысы бойынша департаменттің бұрынғы басшысы Нұрлан Қамбатыров тағайындалды.
2897 рет оқылды
