коллаж: Tengrinews.kz
Белгілі спортшы Дәулет Тұрлыхановтың ұлы Нұрасыл Болаттың ер адам мен әйелді ұрғаны түсірілген видео жарияланды, - деп хабарлайды Tengrinews.kz.
Еске салайық, оқиға 11 ақпанға қараған түні Алматыдағы сауда орталықтарының бірінің жанындағы көлік тұрағында болған. Оның барысында қызды жақтауға тырысқан ерлі-зайыптылар Анна Дмитриевич пен Олег Чернов зардап шеккен.
Жарияланған кадрлардан жас жігіттің алдымен ер адамды ұрғанын, содан кейін Аннаның бетіне соққы жасағанын көруге болады.
Анна Димитриевич видео әлеуметтік желілерде тараған соң, Instagram-дағы парақшасында жариялағанын мәлімдеді. Ол бейнежазба өзінде, жұбайында және Алматы Бостандық ауданы ПБ полиция қызметкерлерінде болғанын айтады.
"Видеоны тарату біздің бастамамыз емес екенін бірден айтайын. Кейбір пікір жазушылар біз депутаттың баласы тұрған жерге қалай тап болғанымызды сұрапты. Ол әскерде болған, ал біз өз жолымызбен басқа орында демалдық.
Ал енді негізгі сұрақты мен қояйын. Нұрасылды Алматыға 200 шақырымдай жердегі әскери бөлімнен біз демалып жатқан жердің қасына кім алып келді, қалай жетті?
Айтпақшы, көше камераларынан түсірілген видеоны зерттей отырып, жанжал біз келгенге дейін басталғанын көруге болады", - деп жазды Дмитриевич Instagram желісінде.
Еске салайық, Дәулет Тұрлыхановтың ұлы 11 ақпанға қараған түні шабуылға ұшыраған жас қызға көмектесуге тырысқан қазақстандық заңгерлер Анна Димитриевич пен Олег Черновқа қол көтерген.
Нұрасыл Болатқа қатысты ҚР ҚК-нің 107-бабының 2-бөлігі, яғни "Екі және одан да көп адамға қатысты денсаулыққа қасақана ауырлығы орташа зиян келтіру" бойынша тергеу жүргізіліп жатыр.
535 рет оқылды
