Фото ©REUTERS
Қорғаныс министрлігінің Халықаралық ынтымақтастық департаменті басшысы Олжас Құсайынов ҰҚШҰ әскерлерін Қазақстаннан шығару толық аяқталғанын айтты, - деп хабарлайды Tengrinews.kz тілшісі.
Ол бірлескен бітімгершілік контингенті Ұжымдық қауіпсіздік туралы шарттың 2 және 4-баптарына сәйкес серіктестерге көмек сұрап жүгіну негізінде елдегі жағдайды тұрақтандыру үшін Қазақстанға орналастырылғанын еске салды.
"Бүгін ҰҚШҰ Ұжымдық бітімгершілік күштерін Қазақстан аумағынан шығару аяқталды. Жеке құрам мен техника тиелген соңғы әуе кемелері Алматыдан ұшып кетті. Қазіргі уақытта Қазақстан аумағында шет мемлекеттердің әскери қызметшілері жоқ. ҰҚШҰ Біріккен бітімгершілік контингентін елден кезең-кезеңімен шығару Қазақстан Президенті Қарулы Күштердің Жоғарғы бас қолбасшысы Қасым-Жомарт Тоқаевтың 2022 жылғы 13 қаңтардан бастап белгілеген мерзіміне сәйкес жүзеге асырылды", - деді Құсайынов.
911 рет оқылды
_80_80.jpg)
