27 ақп, 2022 сағат 20:42

Украина Ресеймен келіссөзді Беларусьте өткізуге келісті

Ресей мен Украина делегациялары арасындағы келіссөздер Беларусь-Украина шекарасындағы Гомель облысында өтеді, - деп хабарлайды Tengrinews.kz агенттігі Lenta.ru сайтына сілтеме жасап.

Украина делегациясы Гомель облысында Ресеймен келіссөздер жүргізуге келісіп, сонда кетті. Бұл туралы жексенбі, 27 ақпанда Беларусьтің Ұлттық баспасөз орталығы саясаткер Юрий Воскресенскийге сілтеме жасап хабарлады.

"Мендегі ақпарат бойынша, президент Зеленский президент Лукашенкоға хабарласты. Лукашенко Зеленскийді Украинаның мемлекеттік егемендігін сақтайтынын айтты, ал Украина делегациясы қазір Гомельге қарай шығады", - деді Воскресенский.

РИА Новости мәліметінше, Ресей делегациясының басшысы Владимир Мединский украин тарапының Беларусьте келіссөздер жүргізуге келіскенін растады.

27 ақпанда таңертең Кремльдің ресми өкілі Дмитрий Песков Сыртқы істер министрлігі, Қорғаныс министрлігі және Президент әкімшілігінің өкілдерінен тұратын Ресей делегациясы Гомельге келіп, Украина өкілдерін күтетінін мәлімдеді. Алайда, кейінірек Украина президенті Владимир Зеленский келіссөзді Беларусьте өткізбейтінін және оларды Варшавада, Братиславада, Будапештте, Ыстамбулда немесе Бакуде өткізуді ұсынған болатын.