_48_48.webp)
Елімізде 7,1 млн-нан астам адам вакцинаның 1-компонентін алды. Бұл туралы Үкімет отырысында ҚР Денсаулық сақтау министрі Алексей Цой айтты, деп хабарлайды "Ұлт ақпарат".
«Халықты вакцинациялау жалғасып жатыр. Бүгінде 1-компонентпен 7,1 млн-нан астам екпе алды. Бұл екпемен қамтылуы тиіс халықтың 71,5 пайызын құрайды. 2-компонент 5,9 млн-нан астам адамға салынып, қамту көрсеткіші 60 пайызға жуықтады. Өңірлер вакцинаның жеткілікті көлемімен қамтамасыз етілген. Вакцина жеткізу кестеге сәйкес жүргізіліп жатыр», - деді ол.
Министр вакцинация коронавирус инфекциясының алдын алудың бір ғана жолы екендігін баса айтты.
«Сондықтан қазақстандықтарды вакцина алуға және елімізде ұжымдық иммунитеттің қалыптасуына өз үлесін қосуға шақырамын»,- деді Алексей Цой.
649 рет оқылды
_80_80.webp)
