31 мам, 2023 сағат 09:17

Тоталитаризмнің бұл қырғыны халқымызға орасан зор қасірет әкелді - Тоқаев

Фото: Ақорданың баспасөз қызметі

Президент 31 мамыр – Саяси қуғын-сүргін және ашаршылық құрбандарын еске алу күніне орай Twitter-де жазба жариялады, - деп хабарлайды "Ұлт ақпарат".

"Біз бүгін саяси қуғын-сүргін және ашаршылық құрбандарын еске аламыз. Тоталитаризмнің бұл қырғыны халқымызға орасан зор қасірет әкелді. Тарихымыздың қайғылы кезеңдерін терең зерделеп, жазықсыз жапа шеккен боздақтарды ақтау ісін жалғастыру – өте маңызды мәселе" – деп жазды Қасым-Жомарт Тоқаев Twitter-де.

Мемлекет басшысының пікірінше, азалы күндерден сабақ алып, мұндай нәубеттің келешекте қайталануына жол бермеу – баршамызға ортақ парыз. Біз ауыр сынаққа төтеп берген, ұлт бірлігін сақтап қалған және асыл қасиеттерін жоғалтпаған ата-бабамыздың үмітін ақтауымыз қажет.