ҚР Ауыл шаруашылығы министрлігі Су ресурстары комитетінің төрағасы Ислам Әбішев қамауға алынды, деп хабарлайды "Ұлт ақпарат".
«16 наурызда Астана қаласының мамандандырылған ауданаралық тергеу соты тергеу амалдарын жүргізуші органның өтінішін қарастырды. 2019 жылдың 14 мамырын қоса алғанда, күдікті Әбішев Ислам Алмаханұлына қатысты қамауда ұстау түріндегі бұлтартпау шарасын санкциялау туралы қаулы шығарды», - деп хабарлады қалалық соттың баспасөз қызметі.
Шенеунікті қамауға алу себептері әзірге белгісіз.
«Қылмыстық процестік кодекстің нормаларына сәйкес, алдын ала тергеу амалдарын жүргізу уақытында қандай да бір деректер жариялануға жатпайды», - деп жауап берді баспасөз қызметі.
Еске сала кетсек, 15 наурызда ҚР Ауыл шаруашылығы министрлігі Су ресурстары комитетінің төрағасы Исламбек Әбішев қызметінен уақытша шеттетілген еді.
2567 рет оқылды
