Қазгидромет синоптиктері қазақстандықтарға 23-25 желтоқсан аралығында ел аумағында ауа райы қандай болатынын жариялады, деп хабарлайды "Ұлт ақпарат".
"Қазір батыстан антициклон жылжып келеді. Ол елдің батысы мен солтүстігінде ауа температурасын төмендетеді. Мұнда түнде 20-28 градус аяз болады деп болжанып отыр", - делінген Қазгидрометтің хабарламасында.
Оңтүстік облыстарға Өзбекстан аумағынан келген циклон әсер етеді. Ол жаңбыр алып келеді. Осылайша оңтүстікте желтоқсан айы үшін өте жоғары температура сақталмақ.
Айта кетері, бұған дейін солтүстік-батыс циклонының әсерінен Қазақстанда ауа райы жауын-шашынды болып, ауа температурасы көтерілді.
1283 рет оқылды
