Қытай Халық Республикасының төрағасы Си Цзиньпин қазақ-қытай бизнес форумына үндеу жолдап, Қазақстанның Президенті Нұрсұлтан Назарбаевқа өз ризашылығын білдірді, деп xабарлайды ҚазАқпарат тілшісі.
«Құрметті Президент Назарбаев, құрметті достар, қонақтар, биыл «Бір белдеу - бір жол» бастамасына бес жыл толып отыр. Президент Назарбаев - менің жақын досым. Бес жылдық мерейтой аясында ол бизнес форумды өткізуді ұсынды. Мен осы идеяны жоғары бағалаймын және толығымен қолдаймын. Форумның ашылуымен шын жүректен құттықтаймын. Президент Назарбаевқа өз ризашылығымды білдіремін», - деді Си Цзиньпин өзінің бейнеүндеуінде.
Айта кетейік, Астанадағы «Риксос» қонақ үйінде қазақ-қытай бизнес форумы басталды. Оған ҚР Президенті Нұрсұлтан Назарбаев та өз құттықтауын жолдады.
3041 рет оқылды
