Egovpress Telegram арнасының бейнежазбасынан кадр. Фото: Vesti.kz, © Тұрар Қазанғапов
Астанадағы сауда орталығында баласымен соққыға жығылған ер адамның адвокаты оқиғаға қатысты өз нұсқасын айтып, боксшы Бейбіт Шүменовтің сөздеріне қатысты пікір білдірді, - деп хабарлайды Tengrinews.kz.
Адвокат Қанат Тілеужан қорғауындағы жәбірленуші мен Бейбіт Шүменов арасындағы оқиға 18 маусымда Астанадағы MEGA Silk Way сауда орталығындағы мейрамхана кешенінің аумағында болғанын айтты.
"Мен қорғайтын ер адам сол жерде отбасы және балаларымен бірге болған. Олар бос уақытын сонда өткізген. Жәбірленуші мен шабуыл жасаған ер адам арасында жанжал туындаған. Ол бірден ашулы ниетпен жақындаған. Мен өкілдік ететін адамға оның не айтқанын және оның не деп жауап бергенін нақты айта алмаймын. Жәбірленуші алдымен боксшының нақты не айтқанын естуге тырысқан. Бірақ күтпеген жерден ол ашуланып, содан кейін бірнеше соққы жаудыртқан", - дейді жәбірленушінің адвокаты.
Ер адамдар арасында диалог болмаған. Адвокаттың айтуынша, жәбірленуші өзін қорғау үшін үстелден ас үй құралын алған. Ол бірінші соққыны әдейі көздемей, өзін-өзі қорғау үшін ғана жасаған.
"Сонымен қатар шабуылдаушы менің қорғауымдағы жігіттің қолындағы құралдарын жұлып алғаны кейін белгілі болды. Алайда соған қарамастан ол заңсыз әрекеттерін жалғастырып, оны жерге құлатып, ұра бастаған", - деді Қанат Тілеужан.
Адвокат қорғауындағы ер адамның неге баланы қолына алғанын да түсіндірді. Оның айтуынша, төбелес кезінде бала қатты жылап, ес-түссіз күйге түскен. Ер адам оны тыныштандыру үшін қолына алған. Бірақ ашуланған ер адам өзін ұратынын күтпеген. Адвокат спортшының "бала арқылы өзін қорғамақ болды" деген сөзін әбестік деп есептейді.
"Осыдан кейін ол менің қорғауымдағы жігітті еденге құлатып, ұра тастаған. Бұл - анық бұзақылық әрекеттер. Оқиға орнына учаскелік инспектор келді, бірақ ол шабуылдаушыға белсенді түрде көмектесіп, жанжалды реттеуге және оны көпшілікке шығармауға тырысқан. Медициналық тексеру тағайындалды, менің қорғауымдағы жігіт екеуміз ауруханаға бардық, дәрігер тексеру жүргізді, бірақ әлі сараптаманың нәтижесін көрмедік. Жәбірленушінің айтуынша, соққы баласына да тиген. Мүмкін, шабуылдаушы мұны әдейі істемеген шығар бірақ екі соққыссы тиген. Бұл баланың психикасына әсер етуі мүмкін", - дейді адвокат.
Қорғаушы өзі өкілдік еткен адамның шетел азаматы екені және Қазақстанда заңсыз жүргені туралы ақпаратқа да түсініктеме берді. Адвокаттың айтуынша, ол - шынымен де Қырғызстан азаматы, осы елдің тумасы, бірақ тұруға рұқсаты бар болғандықтан, Қазақстанда заңды түрде тұрып жатыр.
"Сондай-ақ, шабуылдаушының соққысы тиген кішкентай бала аутист деген сөздер тарады. Менде ондай ақпарат жоқ, бұл соталды тергеу барысында анықталады. Алайда шабуылдаушы мұндай ақпаратты қайдан және не үшін алғаны белгісіз. Ата-аналар мұндай ақпаратты жария етуге келісім бермеген, бұл медициналық құпия", - деді Қанат Тілеужан.
Адвокаттың айтуынша, тергеу ісі алға баспағандықтан, жәбірленуші екеуі бұл оқиғаны жария етуге мәжбүр болған.
"Бастапқыда шабуыл жасаушының әрекетіне тиісті құқықтық баға берілмеді. Олар әкімшілік құқық бұзушылық ретінде қаралып, тергеу амалдары жүргізілмеді. Дегенмен, "Бұзақылық" бабы бойынша қылмыстық құқық бұзушылық бар екені анық. Бұл істі қылмыстық іс ретінде тіркелмеді. Бұл видео жарияланбай тұрып-ақ құқық қорғау органдарына өтінішпен жүгіндім, барлық мерзімдер орындалды, бірақ полицейлер асықпай, қылмыстық іс қозғамады. Нәтижесінде, бұл туралы жария болған кезде ғана 11 шілдеде соталды тергеу амалдары жүргізілді. Менің қорғауымдағы адамды жәбірленуші ретінде анықтау үшін полицияға шақырды", - деді ол.
Адвокаттың айтуынша, соталды тергеп-тексеру аясында мәртебе берілгеннен кейін оның қорғаушысы физикалық және моральдық шығынды өтеу туралы өтініш бере алады. Ол бұл талаптарды қолдауға және келтірілген залалды өтеуге дайын.
895 рет оқылды
