Шығыс Қазақстан облысында карантиндік шектеулер 6 маусымға дейін ұзартылды, деп хабарлайды "Ұлт ақпарат".
ШҚО Бас мемлекеттік санитарлық дәрігерінің жаңа қаулысы жарияланды. Онда жазылғандай, өңір бойынша карантин 6 маусымға дейін ұзартылды. Шектеу шараларының мерзімі облыс аумағында COVID-19 инфекциясының таралуы бойынша ахуалдың өзгеруіне сәйкес қайта қаралуы мүмкін.
Бүгінде CОVІD-19 жұқтырған науқастарды емдеуге арналған инфекциялық стационарлардағы төсек қорының толтырылу деңгейі – 13,6%. Облыс бойынша инфекцияның репродуктивтік R саны – 0,988.
Барлық қала, аудан әкімдіктері, мемлекеттік, құқық қорғау және арнайы органдар карантин талаптарының сақталуын қамтамасыз етуі тиіс. 65 жастан асқан зейнеткерлерге және халықтың әлеуметтік қорғалатын топтарына бірінші кезекте қажетті тауарларды, азық-түлік пен дәрілік заттарды жеткізумен айналысатын еріктілер жұмысы жалғасуы қажет, - делінген құжатта.
730 рет оқылды
