#
#
Сенбі 23/01/2021

Шекарадан заңсыз өтудің жаңа түрлері пайда болды - ҰҚК

  • 23.11.2020
  • 0
  • 239

Қазақстанның мемлекеттік шекарасын карантиндік шектеулер кезінде заңсыз кесіп өтудің жаңа түрлері пайда болды. Мұндай ақпаратты ҚР Ұлттық қауіпсіздік комитетінің баспасөз қызметі ұсынып отыр, деп хабарлайды "Ұлт ақпарат".

Мәселен, өткен аптада «Қарасу» автомобиль өткізу пункттерінде мемлекеттік шекараны заңсыз кесіп өтудің 8 әрекетіне тосқауыл қойылды: Жамбыл облысы – 1 факті, Маңғыстау облысы - 1 факті, Ақтөбе облысы – 1 факті, СҚО – 1 факті, Қостанай облысы – 2 факті, Павлодар облысы – 2 факті.

«Жүргізушілер халықаралық жүк тасымалының шекарадан өтуіне негіз болатын екінші жүргізуші ретінде жалған жүргізуші куәліктерін қолдана отырып, шекараны заңсыз кесіп өтуге тырысқан. Аталған барлық жағдайда ҚР Қылмыстық кодексінің «Жалған құжаттарды, мөртабандарды, мөрлерді, бланкілерді, пошта төлемінің мемлекеттік белгілерін, мемлекеттік наградаларды қолдан жасау, дайындау немесе өткізу» туралы 385-бабында көзделген қылмыс белгілері бойынша тексеру материалдары мен көлік құралдары уәкілетті органдарға берілді», - делінген таратылған ақпаратта. 

Сонымен қатар 18 қарашада «Қарасу» (Жамбыл облысы), «Жайсаң» (Ақтөбе облысы), «Жаңа жол» және «Қарақоға» (СҚО) өткізу пункттерінде жалған құжаттар мен сәйкестендіру нөмірлері бар автомобильдерді шекара арқылы заңсыз өткізудің 4 әрекетінің жолы кесілген.

Жалпы, карантиндік шектеулер кезеңінде мемлекеттік шекараны заңсыз кесіп өту үшін жалған жүргізуші куәліктерін пайдаланған 113 адам (Қазақстан - 51, Қырғызстан - 30, Өзбекстан - 20, Тәжікстан - 7, РФ - 5), жалған медициналық анықтамалары бар 35 адам, сондай-ақ қазақстандық медициналық мекемелерден жалған шақырулары бар 42 шетелдік анықталды.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар