Серік Ахметов бүгін таңертең бостандыққа шықты, - деп хабарлайды kaz.tengrinews.kz тілшісі.
Қарағанды облысындағы колонияның алдында БАҚ өкілдері жиналды. Серік Ахметов колониядан шығып, көлігіне отырып, жақындарымен бірге кетіп қалды.
"Болашаққа әлі жоспар құрмадым. Немен айналысатынымды уақыт көрсетеді. Ал қазір үйге барамын", - деп жауап берді ол журналистерге.
Айта кетейік, Серік Ахметов жазасын Қарағанды облысындағы Қарабас ауылында АК159/18 колониясында өтеген болатын.
Осыған дейін соттағылар Серік Ахметовтің қалайша бостандыққа ерте шығатынын түсіндіріп берген еді.
Еске салайық, Серік Ахметов 2014 жылдың қарашасында үй қамауына алынған болатын. Сот отырысы 2015 жылдың тамызында басталып, төрт айға жалғасты. Қылмыстық іс 338 томға жетті, оның 9 томы айыптау актісі. Жалпы 82 сот отырысы өтті. Іс бойынша 260 куәгерден жауап алынды. Процесске 4 мемлекеттік айыптаушы және 42 адвокат пен қорғаушы қатысты. Қазіргі заңнамаға сәйкес, соттың әділ өтуі үшін отырыстың ашық саясатын ұстану бойынша сәйкес шаралар жүргізілді. Ал 2015 жылдың желтоқсанында сот оны 10 жылға бас бостандығынан айырған болатын. Келген шығынды өтегеннен кейін оның жазасы 8 жылға қысқарған.
2267 рет оқылды
