SCAT әуе компаниясының паркіне бірден екі жаңа Boeing 737 MAX 8 ұшағының келіп қосылуы Қазақстанның авиация саласы үшін маңызды оқиғаға айналды және отандық әуе нарығының қарқынды дамып келе жатқанын тағы бір рет дәлелдеді.
SCAT әуе компаниясы флотын кеңейтуді жалғастырып, алдағы өсім үшін мүмкіндіктерін кезең-кезеңімен арттыруда. Паркке жаңа әуе кемелерінің қосылуы компанияның даму қарқынының жоғары екенін, әлеуетінің артып келе жатқанын және Қазақстанның әлемдік авиация картасындағы орнын нығайтуға қосып отырған үлесін көрсетеді.
Жаңа әуе кемелерінің кезекті легін қабылдау SCAT компаниясының дамуындағы тағы бір маңызды кезең болды. Салтанатты рәсім барысында «SCAT әуе компаниясы» АҚ президенті Владимир Иванович Денисовке жаңа ұшақтардың символикалық кілттері табысталды. Бұл – әуе компаниясы паркінің әрі қарай кеңейіп, алға қарай жүйелі түрде дамып келе жатқанының белгісі.
Флоттың толықтырылуы SCAT-тың бағыттар желісін дамытуға және қолданыстағы ұшу бағдарламаларын күшейтуге тікелей байланысты. 2026 жылы әуе компаниясы Шымкенттен Қарағанды, Қостанай, Бішкек, Новосибирск, Санкт-Петербург және Түмен қалаларына жаңа рейстер ашты. Сондай-ақ Астанадан Моңғолия астанасы – Ұлан-Батор қаласына тікелей рейстер іске қосылды. Жаңа Boeing 737 MAX 8 ұшақтары осы бағдарламалардың бір бөлігіне айналып, ұшу жоспарларын икемді етуге және тасымал географиясын одан әрі кеңейтуге мүмкіндік береді.
Бүгінде SCAT Қазақстандағы жетекші әуе тасымалдаушылардың бірі ретіндегі позициясын нығайтып, ұшу географиясын кеңейтіп, операциялық мүмкіндіктерін арттырып, алдағы дамуға берік негіз қалыптастыруда.
«Жаңа Boeing 737 MAX 8 ұшақтарының келуі – әуе компаниясы паркінің одан әрі кеңеюі мен мүмкіндіктеріміздің артуы жолындағы маңызды қадам. SCAT үшін жаңа әуе кемелерінің Шымкент әуежайы базасында қалыптасып жатқан хабты дамытуға тартылатыны ерекше маңызды. Қазіргі таңда Шымкент біздің бағыттар желісінің өсім нүктелерінің біріне айналып келеді. Біз Шымкенттің ірі авиациялық торап ретіндегі позициясын кезең-кезеңімен күшейтіп, ұшу бағыттарын кеңейтіп, жолаушылар үшін Қазақстан ішінде де, одан тыс жерлерде де жаңа мүмкіндіктер қалыптастырып жатырмыз», – деді «SCAT әуе компаниясы» АҚ президенті Владимир Иванович Денисов.
Жаңа әуе кемелерінің келіп қосылуы SCAT әуе компаниясының тұрақты даму қарқынын және алдағы уақытта да кеңеюге дайын екенін көрсетеді. Компания флотын сенімді түрде дамытып, бағыттар желісін күшейтіп, Қазақстанның заманауи авиация картасындағы рөлін нығайтуды жалғастыруда.
_140_110.png)
