Бүгін Үкімет үйінде ҚР Премьер-Министрі Бақытжан Сағынтаевтың төрағалығымен Бәсекеге қабілеттілік жөніндегі сараптама кеңесінің отырысы өтті, деп хабарлайды "Ұлт ақпарат" primeminister.kz сайтына сілтеме жасап.
Отырыс барысында мемлекеттік-жекешелік әріптестік негізінде тұрғын үй-коммуналдық инфрақұрылымды жаңғырту және Мемлекет басшысының «Төртінші өнеркәсіптік революция жағдайындағы дамудың жаңа мүмкіндіктері» Жолдауында қойылған міндеттерді орындау тұрғысынан қазақстандық мұнай сервисінің бәсекеге қабілеттілігін арттыру мәселелері талқыланды.
Күн тәртібі бойынша BI Group холдингінің директорлар кеңесінің төрағасы А. Рахымбаев, Centrasia Group директорлар кеңесінің төрағасы А. Құдайберген және «Сентрас» компаниялар тобының бас директоры Е. Әбдіразақов баяндама жасады.
Талқылауға ҚР Премьер-Министрінің орынбасары А. Жұмағалиев, энергетика министрі Қ. Бозымбаев, ақпарат және коммуникациялар вице-министрі Қ. Балықбаев, ұлттық экономика вице-министрі С. Жұманғарин, «Атамекен» ҰКП басқарма төрағасы А. Мырзахметов, «AllurAuto Group» АҚ директорлар кеңесінің төрағасы А. Лаврентьев және басқалары қатысты.
1318 рет оқылды
