Facebook компаниясы Ресей аумағында ресейліктерге қатысты жеке мәліметтерді сақтау туралы заңның талаптарын орындамайтын болса, Facebook бұғатталады, - деп хабарлайды kaz.tengrinews.kz "РИА Новости"-ға сілтеме жасап.
"Заң барлығына бірдей, сондықтан біз міндетті түрде заңды орындатамыз немесе бұл компания, өкінішке қарай, LinkedIn сияқты Ресей Федерациясы аумағында жұмысын тоқтатады", - деді Ресей коммуникациясын тексеру қызметінің басшысы Александр Жаров.
Сондай-ақ, Александр Жаров Facebook желісін Ресей аумағындағы қолданушылардың біраз бөлігі қолданатынын айтып өтті. Бірақ, айтуынша, Facebook жалғыз сервис түрі емес, басқа да әлеуметтік желілерді қолдануға болады.
"Сондықтан да біз Facebook компаниясына 242-ші заңды орындатқызамыз", - деді Александр Жаров.
1562 рет оқылды
