ҚР Денсаулық сақтау министрі Алексей Цой QazVaq отандық вакцинасын Дүниежүзілік денсаулық сақту ұйымымен тіркеу процесі қай кезеңде екенін айтып берді, деп хабарлайды ҚазАқпарат.
«Әрине, процесс жүріп жатыр. Жақында ғана Женевада болған сапарымда Дүниежүзілік денсаулық сақтау ұйымы бас директорымен пікір алмастық. Олар ұйым тарапынан толық қолдау болатынын алға тартты. Қазіргі кезде тиісті жұмыстар жүріп жатыр. Қазақстанда орналасқан біздің өңірлік кеңсе де осы мәселемен айналысып жатыр. Яғни, құжаттарды тапсыру рәсімі жүзеге асырылып жатыр», - деді Цой Парламент Мәжілісінде тілшілер сауалына жауап бере отырып.
Оның айтуынша, қазіргі кезде мамандар қандай қосымша құжаттарды өткізу керек екенін айқындап жатыр.
1050 рет оқылды
