Қазақстан президенті Қасым-Жомарт Тоқаев 28 мамырда Ресей президенті Владимир Путинді, Беларусь президенті Александр Лукашенконы, Қырғызстан президенті Сооронбай Жээнбековті «Қазақстан Республикасының Тұңғыш Президенті - Елбасы Нұрсұлтан Назарбаев» орденімен марапаттады.
«Еуразиялық интеграция идеясының 25 жылдығына және Еуразиялық экономикалық одақ туралы шартқа қол қоюдың 5 жылдығына орай, сондай-ақ Қазақстан Республикасымен ынтымақтастықты тереңдету мен кеңейтуге қосқан айрықша үлесі үшін «Қазақстан Республикасының Тұңғыш Президенті - Елбасы Нұрсұлтан Назарбаев» орденімен Ресей Федерациясының Президенті Путин Владимир Владимирович, Беларусь Республикасының Президенті Лукашенко Александр Григорьевич, Қырғыз Республикасының Президенті Жээнбеков Сооронбай Шарипович наградталсын» делінген ресми жарлықта.
Осы Жарлық қол қойылған күнінен бастап қолданысқа енгізіледі.
Айта кетсек, Тұңғыш Президент орденімен елдің қалыптасуына, өркендеуіне және даңқына ықпал ететін мемлекеттік және қоғамдық қызметтегі ерекше еңбегі үшін Қазақстан азаматтары, сондай-ақ Қазақстан Республикасына сіңірген ерекше еңбегі үшін шет мемлекеттер мен үкіметтердің басшылары марапатталады.
Жаннұр Болатова
1721 рет оқылды
_80_80.jpg)
