28 ақп, 2022 сағат 09:55

Путин тежеу күштерін арнайы жауынгерлік кезекшілік режиміне ауыстыруды бұйырды

Ресей президенті Владимир Путин тежеу күштерін арнайы жауынгерлік кезекшілік режиміне ауыстыруды бұйырды. Бұл туралы ол Қорғаныс министрлігінің басшысы Сергей Шойгу мен Ресей Қарулы Күштері Бас штабының бастығы Валерий Герасимовпен кездесуде айтты, - деп хабарлайды Tengrinews.kz тілшісі НТВ-ға сілтеме жасап.

Кездесуде Путин Батыс елдері "экономикалық салада елге қарсы жағымсыз әрекеттер жасап қана қоймай, НАТО елдерінің жоғары лауазымды тұлғалары" Ресейге агрессив мәлімдемелер жасауға мүмкіндік береді" деп атап өтті.

Осыған байланысты президент тежеу күштерін жауынгерлік кезекшіліктің ерекше режиміне ауыстыруды бұйырды.

Стратегиялық тежеу күштеріне стратегиялық шабуыл күштері (СШК) және стратегиялық қорғаныс күштері (СҚК) кіреді. Құрлықаралық қашықтықтағы зымыран және авиациялық кешендермен жабдықталған СШК негізін стратегиялық мақсаттағы зымыран әскерлері кіретін стратегиялық ядролық күштерден жасақталады.

Бұған дейін Ресей Қорғаныс министрлігі Украинада ауқымды шабуыл туралы хабарлаған болатын.