Президенттік жастар кадр резервіне алынған 50 үміткер анықталды

Бүгін Қазақстан Республикасы Президенті жанындағы Орталық коммуникациялар қызметінде Қазақстан Республикасы Мемлекеттік қызмет істері агенттігінің төрағасы Анар Жаилғанова Президенттік Жастар кадрлық резервіне іріктеудің 2021 жылғы нәтижелерін жария етті, деп хабарлайды "Ұлт ақпарат".

Қазақстан Республикасының Тұңғыш Президенті – Елбасы Нұрсұлтан Назарбаев пен Мемлекет Басшысы Қасым-Жомарт Тоқаев мемлекеттік аппаратты жетілдіру және жаңа буынның өзін-өзі дамытуына қолдау көрсету мәселелеріне ерекше назар аударады.

Қасым-Жомарт Тоқаев жастар кадрлық резерві - бұл мемлекеттің резерві екенін, оған қатысудың маңыздылығы ел игілігі мен оны дамыту жолындағы жұмыстармен байланысты екенін атап өткен болатын.

Қазақстан Республикасы Мемлекеттік қызмет істері агенттігінің төрағасы Анар Жаилғанова бұл резерв жас мамандарды мемлекеттік қызметке тартуға оң серпін беретінін және оның мақсаты даярланған және ынталы жастар үшін әлеуметтік лифт құру болып табылатынын атап өтті,

Ұлттық комиссия отырысының қорытындысы бойынша 50 кандидат Президенттік жастар кадр резервіне алынды. Іріктеуге қатысуға барлығы 8638 өтінім алынды.

Резервшілер тізіміне жеке сектордың 18 өкілі, квазимемлекеттік сектордың 13 өкілі және 19 мемлекеттік қызметкер кірді. Сонымен қатар, 24 адамның (48%) басшылық лауазымдарда жұмыс тәжірибесі бар.

Кандидаттардың 62%-ы шетелдік жоғары білімі бар, 38%-ы қазақстандық жоғары оқу орындарының түлектері.

Іріктеу жеңімпаздарының орташа жасы 30 жасты құрады. Резервте Нұр-Сұлтан, Алматы және Павлодар қалаларының өкілдері басым. 

Бұл ретте қатысуға өтінімдер республиканың барлық өңірлерінен, сондай-ақ шет мемлекеттерден келіп түсті.

Қазақстан Республикасы Мемлекеттік қызмет сітері агенттігінің төрағасы Анар Жаилғанованың айтуынша, резервке алынған үміткерлердің бірі қазіргі уақытта Бельгияда, Қазақстан елшілігінде жұмыс істейді.

Цифрлық технологияларды пайдалану іріктеудің ашықтығы мен ұтқырлығын қамтамасыз етті, бұл жас қазақстандықтарға олардың орналасқан жеріне қарамастан қатысуға мүмкіндік берді.

Президенттік жастар кадр резервіне іріктеу процесінің ашықтығы қоғам, бұқаралық ақпарат құралдары және азаматтық қоғам өкілдерінің қатысуымен қамтамасыз етілді.

Резервке кірген кандидаттардың толық тізімі Агенттіктің ресми сайтында  pkrezerv.gov.kz сайтында ағымдағы жылдың 27 желтоқсанында жарияланады.

Резервке екінші іріктеудің ерекшелігі - болашақ резервшіні таңдау  кезінде оның жеке мансаптық амбицияларға емес, ең алдымен қоғамдық мүдделерді басшылыққа алатын трансформациялық көшбасшыға тән құзыреттері назарға алынды.

Агенттік төрағасы Анар Жаилғанова қазіргі Резерв тек мемлекеттік қызмет үшін ғана қалыптастырылғанын және онда болу мерзімі 3 жылды құрайтынын атап өтті.

Резервке енген жастардың көпшілігінің экономиканың түрлі салаларын қамтитын жетекші шетелдік және жеке қазақстандық компанияларда жұмыс тәжірибесі бар.

Анар Жаилғанова мемлекеттік қызметтің жоғары лауазымдарына резервшілерді тағайындау мансаптық өсу жолы арқылы жоспарланғанын хабарлады. Агенттік резервшілердің одан әрі мансаптық ілгерілеуін әрдайым қадағалайтын болады.

Өз сөзін қорытындылай келе, Қазақстан Республикасы МҚІА төрағасы Анар Жаилғанова резервшілермен жұмыс барысы және олардың жетістіктері туралы жұртшылық жүйелі негізде хабардар етілетінін мәлімдеді.

Естеріңізге сала кетейік, президенттік жастар кадр резервіне іріктеу үміткерлердің құжаттарын қабылдаудан басталған (1-30 қыркүйек аралығында) және өткен аптаның соңында Президеттік жастар кадр резервіне іріктеу жөніндегі ұлттық комиссияның отырысымен аяқталған жүйелі кезеңдерден тұрды. 

Анықтама үшін:

1) 1-30 қыркүйек аралығында үміткерлердің құжаттарын қабылдау;

2) 2 қазаннан 9 қазанға дейін мәтіндік және сандық ақпаратпен жұмыс істей білуді бағалау;

3) 12-17 қазан аралығында ситуациялық тапсырмаларды шешу;

4) 25 қазаннан 28 қарашаға дейін құзыреттерді бағалау;

5) 3 желтоқсаннан 10 желтоқсанға дейін резервке іріктеу жөніндегі сарапшылық комиссияда кандидаттармен әңгімелесу;

6) Президент жанындағы Ұлттық комиссияның отырысы.

2021 жылғы Президенттік жастар кадр резервіне алынған кандидаттардың тізімі:

Бөлісу:

1038 рет оқылды