Мемлекет басшысы Жамбыл облысының жаңа басшылығының алдына аймақтың өсіп-өркендеуін тежейтін кедергілерді жойып, халықтың әл-ауқатын арттыратын шаралар қабылдауды міндеттеді, деп хабарлайды "Ұлт ақпарат" Ақордаға сілтеме жасап.
– Қақтығыс болған жерде ешқашан, ешқандай даму болмайды. Бұл – заңдылық. Өкінішке қарай, облыс басшылары бұл заңдылықты дұрыс түсінген жоқ. Сондықтан облыс басшылары, соның ішінде құқық қорғау органдарының басшылары толығымен ауыстырылды, қызметкерлер жұмыстан босатылды. Жаңа басшылар тағайындалды. Солардың арасында Бердібек Сапарбаев бар. Бұл азаматты жақсы танисыздар. Тәжірибесі мол мемлекеттік қызметші. Оның алдында тұрған мақсат – тұрақсыздыққа түрткі болатын жағдайларды түбегейлі жою және өңірдің дамуына серпін беру, – деді Қасым-Жомарт Тоқаев.
Бүгін ҚР Президенті Жамбыл облысының Қордай ауданындағы Қаракемер ауылының жұртшылығымен кездескен болатын.
10 ақпанда Жамбыл облысының әкімі Асқар Мырзахметов өтінішімен қызметінен кетті. Сол күні Бердібек Сапарбаев осы лауазымға тағайындалды.
1097 рет оқылды
_80_80.jpg)
