Қасым-Жомарт Тоқаев "Қазақстан халқына" қорына ақша аударған кәсіпкерлерге ризашылығын білдірді, деп хабарлайды Sputnik Қазақстан.
"Осылайша сіздер қайырымдылық көмекке мұқтаж азаматтардың алдында азаматтық жауапкершілік танытып отырсыздар", - деді Президент Nur Otan партиясының кезектен тыс XXI Съезінде.
Тоқаевтың айтуынша, Мемлекет басшысының ұсынысын елемей отырған бизнесмендер де бар.
"Олигополияның бөлігі саналатын, тіпті оның бет-бейнесіне айналған бизнестегі кейбір танымал тұлғалар мемлекет басшысы бастамашы болған қайырымдылық акциясына қатысуға асығар емес. Бұл не: сараңдық па, нигилизм бе, немқұрайлылық па әлде менсінбеу ме? Қалай болғанда да, бұл сұраққа толық жауап алу үшін мемлекеттің барлық өкілеттігі бар", - деді Президент.
Ол ірі бизнес тарапынан қайырымдылық процесін реттейтін арнайы жарлық шығаруды жоспарлап отырғанын мәлімдеді.
1430 рет оқылды_140_110.webp)
