"Ауыл" сөзін Қазақстан заңнамасында өз бетінше бекіту ұсынылды, - деп хабарлайды Tengrinews.kz.
Сенат депутаты Сергей Ершов "село" және "ауыл" сөзінің шығу тегі мен этимологиясы туралы пікір білдірді. Ол бұл сөздердің этимологиясы мен шығу тегі әртүрлі екенін айтты.
"Егер "село" славян тілінен шыққан және қоныс, тұрғын үй немесе ауыл ұғымымен байланысты болса, онда "ауыл" ұғымы алғашқы көшпелі түркі тектес, кейінірек көшпелі халықтар арасында қалыптасқан және көшпелі қоныстануды білдіреді. "Ауыл" сөзі біздің санамызда руханият пен халықтың дамуының бесігі ретінде қалыптасқан. Осы атаумен "Ауыл - ел бесігі" атты жоба сәтті жүзеге асырылып жатыр", - деді Сергей Ершов палата отырысында.
Депутат ұлттық экономика вице-министрі Ермек Алпысовтан "ауыл" сөзін оның тарихы мен шығу мәдениетін ескере отырып оны қолдану тіліне қарамастан заңнамада бекіту жайлы сауал жолдады.
Алпысов 2013 жылға дейін "ауыл" термині орысша нұсқада "село", ал қазақ тілінде "ауыл" деп қолданылып келе жатқанын айтты.
"Меніңше, ол қосымша зерттеуді, оның ішінде, ономастика саласындағы мамандармен жұмыс істеуді қажет етеді. Бізде қазір аудандардың және ауылдық басқару деңгейлерін кеңейту туралы заң жобасы бар. Сол заң жобасының аясында сіздің ұсынысыңызды қарастырамыз", - деді вице-министр.
1084 рет оқылды
_140_110.webp)
