Фото: Nazarbayev University Facebook парақшасы
Назарбаев университеті Шигео Катсу отставкаға кеткенін және президент міндетін атқарушы тағайындалғанын хабарлады.
Университет мәліметінше, Шигео Катсу 15 маусымда отставкаға кетеді.
"13 жылға жуық қызмет атқарғаннан кейін президент Катсу өз лауазымынан кету туралы шешім қабылдады. Университет қауымдастығы президент Катсуға Назарбаев Университетінің Қазақстандағы бірінші әлемдік деңгейдегі зерттеу университеті болуына көмектескен көрнекті көрегендігі мен тиімді көшбасшылығы үшін зор алғысын білдіреді", - делінген хабарламада.
Шигео Катсу президенттік қызметінен кеткеннен кейін Назарбаев университетінің Қамқоршылық кеңесінің мүшесі болып қалатыны хабарланды. Сондай-ақ, ол Назарбаев Зияткерлік мектептерінің, Назарбаев Қорының Қамқоршылық кеңесінің мүшесі және Жоғарғы қамқоршылық кеңесінің мүшесі қызметін жалғастырады. Шигео Катсу университет президентінің міндетін атқарушысы кеңесшісі қызметін де атқарады.
Ал университет президенті міндетін Илесанми Адесида атқармақ.
653 рет оқылды
