ICE Лондон биржасында Brent маркалы мұнайдың қаңтардағы фьючерсінің бағасы 3,82%-ға өсіп, бір баррелі 44,02 АҚШ долларын құрады, деп хабарлайды ТАСС агенттігі.
Мәскеу уақытымен 01:05-тегі жағдай бойынша Brent маркалы мұнай бағасы өсімін бәсеңдетіп, бір баррелі үшін 43,99 АҚШ доллары деңгейінде саудаланды. WTI мұнайы 3,64%-ға дейін артып, 1 баррелі 42,1 АҚШ долларын құрады.
Brent маркалы мұнайдың бір баррелі 44 АҚШ долларынан соңғы рет осы жылдың 4 қыркүйегінде саудаланды.
Brent мұнайының қымбаттауы АҚШ Энергетика министрлігінің есебін жариялау аясында жүрді. Осылайша, министрлік Brent маркалы мұнай бағасының 2020 жылға арналған болжамында 1 барреліне 41,19 доллардан 40,61 долларға дейін төмендетті. Министрліктің бағалауынша, 2021 жылы баға 1 барреліне 46,59 доллар деңгейінде белгіленеді.
Еске салсақ, 9 қарашада Brent маркалы мұнай фьючерсінің құны 3,04% өсіп, барреліне 40,65 доллар болды.
645 рет оқылды
