Ғылым және жоғары білім министрі Саясат Нұрбек Қазақстанда білім гранттарын бөлудің жаңа жүйесі қалай жұмыс істейтінін айтты, - деп хабарлайды Tengrinews.kz.
Саясат Нұрбек министрлік сараланған грантты енгізудің тәсілдерін әзірлеп жатқанын айтты.
Оның айтуынша, президенттің бұл тапсырмасы демографиялық үрдістер мен білім беру құнының өсуі жағдайында өте өзекті болады.
"Статистика 2030 жылға қарай мектеп бітірушілер саны екі есеге (140-тан 300 мың адамға дейін) өсетінін көрсетеді. Сондықтан эскроу-шот арқылы ваучерлік жүйеге көшу ұсынылады, сараланған гранттар (оқу құнының 30 - дан 100 пайызына дейін)", - деді министр.
Ол бұл шаралардың барлығы жоғары білім беру сапасын арттыруға және студенттер үшін қолайлы оқу жағдайларын жасауға бағытталғанын атап өтті.
"Студенттерге жылдық 2-3 пайызбен білім несиесін алуға мүмкіндік беріледі. Білім алуға қаражат жинақтау құралы ретінде білім министрлігімен бірлесіп, балалар мен студенттердің жасына байланысты БҒЖ - ны пайдалануды пысықтап жатырмыз", - деп атап өтті Саясат Нұрбек.
Министрдің айтуынша, бұл схема студенттік несие алу кезіндегі кедергілерді жоюға мүмкіндік береді.
692 рет оқылды
