Орталық сайлау комиссиясының мүшесі Сабила Мұстафина сағат 16:00-дегі жағдай бойынша сайлаушылардың белсенділігі туралы мәліметті жариялады, деп хабарлайды Sputnik Қазақстан тілшісі.
"Облыстардың, республикалық маңызы бар қалалардың, астананың сайлау комиссиялары ұсынған мәліметтерге сәйкес, сағат 16-00-дегі жағдай бойынша сайлау бюллетеньдерін тізімге енгізілген сайлаушылардың жалпы санының 52,5 пайызы алды", - деді ол брифингте.
Өңірлер бойынша дауыс беру көрсеткіші:
- Ақмола облысында – 56,9%;
- Ақтөбе облысында – 45,6%;
- Алматы облысында – 58%;
- Атырау облысында – 45,6%;
- Шығыс Қазақстан облысында – 62%;
- Жамбыл облысында – 63,4%;
- Батыс Қазақстан облысында – 53,5%;
- Қарағанды облысында – 58,8%;
- Қостанай облысында – 62,4%;
- Қызылорда облысында – 60,9%;
- Маңғыстау облысында – 43,3%;
- Павлодар облысында – 57,8%;
- Солтүстік Қазақстан облысында – 62,4%;
- Түркістан облысында – 53,6%;
- Нұр-Сұлтанда – 41,1%;
- Алматыда – 25,3%;
- Шымкентте – 49,2%.
Оның атап өтуінше, сайлаушылардың сайлау учаскелеріне келуі туралы келесі ақпарат жергілікті уақыт бойынша 18-00 және 20-00-де ұсынылады. Сайлаушылардың келуі туралы алдын ала қорытынды ақпарат сағат 22-00-де беріледі.
1273 рет оқылды
