«Ashyq» қосымшасын енгізуді ұлғайту керек. Бұл туралы ҚР Премьер-Министрі Асқар Мамин айтты, деп хабарлайды "Ұлт ақпарат".
«Өздеріңізге белгілі, аймақтағы көршілес мемлекеттерде аурудың өсуі байқалады. Сондықтан қосымша алдын алу шараларын қабылдау қажет. Бірінші кезекте бұл - вакциналаумен қамтуды ұлғайту. Вакциналауды одан әрі кеңейтіп, күн сайынғы қарқынын барынша ұлғайту қажет», - деді Асқар Мамин.
Сонымен қатар Үкімет басшысы «Ashyq» қосымшасын енгізуді ұлғайту керектігін баса айтты.
«Ақпараттық-түсіндіру жұмыстарын күшейтіп, халықтың вакцина алуын ынталандыратын пәрменді тәсілдер ойластыру қажет», - деген Премьер-Министр жалпы бақылауды орынбасары Ералы Тоғжановқа жүктеді.
1089 рет оқылды
