Фото: BBC
Қазақстан мұсылмандары діни басқармасы ұлттық рухани құндылықтарымызға жат «ЛГБТ+» сияқты арсыздық пен азғындықты ұстанушылардың үндеулері мен іс-қимылдарына өз қарсылығын білдірді және қоғамды мұндай арсыздықтан сақтануға шақырды, деп хабарлайды Ult.kz.
"Шариғатымызда еркек пен еркектің, әйел мен әйелдің жыныстық қатынасқа баруы – харам. Бұл азғындықтың ең ауыр түрі, лағнеттелген ібліс шайтанның ісі. Олардың ақыреттегі жазасы өте ауыр", - делінген ҚМДБ хабарламасында.
Муфтият жариялаған видеода еліміздің бас имамы Наурызбай қажы Тағанұлы ЛГБТ-ның үклкен күнә әрі ата-баба жолына қайшы келетін жат түсінік екенін айтты.
"Мұсылмандар діни басқармасы өз тарапынан арнайы пәтуа шығарды және мәлімдеме жасады ЛГБТ-ға қатысты. Бұл әрине біздің ұлттық құндылығымзыға , салт- дәстүрімізге, ата-баба жолына қарсы дүние. Өкіншіке орай батыс елдерінде келіп жатқан қазіргі таңда, біздің елімізде де төбе көрсетіп жатқан бұл арсыздықтың алдын алуымыз қажет. Ата салтын берік ұстанған азамат ретінде әрине бұған біз қарсымыз. Өйткені бұл ашық арсыздық дүние, үлкен күнә. Бұның азабы өте үлкен", – Наурызбай қажы Тағанұлы.
815 рет оқылды
