ҚХР Гигиена және денсаулық сақтау істері жөніндегі мемлекеттік комиссиясының мәліметінше, кеше құрлықтық Қытайда коронавирус жұқтырған 3 жаңа жағдай анықталған. 80 науқас емделіп шықты, қайтыс болу жағдайы тіркелмеген, деп хабарлайды "Ұлт ақпарат".
3 жаңа жағдайдың екеуі сырттан әкелінсе, біреуі жергілікті жерден шыққан. Қытайдың солтүстік-шығысындағы Хэйлунцзян провинциясында тіркелген. Коронавирустың сырттан әкелінген жағдайларының жалпы саны – 1636.
Бұдан бөлек, өткен тәулікте симптомсыз 25 жаңа жағдай анықталған. 974 симптомсыз науқас медициналық бақылауда. Тұтастай алғанда, соңғы деректер бойынша ҚХР-да коронавирус жұқтырудың расталған фактілерінің жалпы саны - 82 830. 4633 адам вирустан көз жұмса, 77 454 адам сауығыпб ауруханадан шықты. Қазіргі уақытта 723 пациент медициналық мекемелерде ем қабылдауда. 52 науқастың жағдайы ауыр деп бағаланған.
COVID-19 эпицентрі болған Ухань қаласында 26 сәуірдегі жағдай бойынша коронавируспен ауыратын науқастар қалмаған. Мұндай мәлімдемені өткен жексенбіде Бейжіңде ҚХР Гигиена және денсаулық сақтау істері жөніндегі мемлекеттік комиссиясының ресми өкілі жасады.
876 рет оқылды
