© Sputnik / Г. Надеждин
Қостанай облысында жоғалып кеткен жасөспірім іздестіріліп жатыр.
Оны іздестіру жұмыстарына еріктілермен бірге қармен жүретін арнайы техника да тартылды, деп хабарлады Sputnik агенттігі жергілікті Алау ақпараттық порталына сілтеме жасап.
Жасөспірім 3 қаңтарда сағат таңғы 10.00 шамасында жылқы іздеуге далаға кеткен. Содан оралмады. Қостанай облысында 3 қаңтарда боран соғып, қар жауды.
Жоғалған жасөспірімнің ата-анасы полициядан көмек сұрады. Қазіргі күні оны полициямен қатар еріктілер де іздестіріп жатыр. Алайда боран мен қатты жел іздестіру жұмыстарын қиындатып отыр.
"Адамдар өте көп, қармен жүретін техника, машиналар. Олардың бәрі баланы іздестіріп жатыр", - дейді "Дос" еріктілер жасағының мүшелері.
962 рет оқылды
